Almaty ákímí Darhan Satybaldy Tájíkstan Respublıkasynyń Hatlon oblysynyń tóraǵasy Saıd Davlatalımen kezdesíp, ekíjaqty yntymaqtastyqty odan árí damytu múmkíndíkterín talqylady, – dep habarlaıdy aqshamnews.kz tílshísí.
Taraptar ekí el basshylary deńgeıínde qol jetkízílgen uaǵdalastyq sauda-ekonomıkalyq, ınvestıtsıyalyq jáne kólík-logıstıkalyq yntymaqtastyqty keńeıtuge berík negíz qalyptastyryp otyrǵanyn atap óttí.
Darhan Satybaldynyń aıtuynsha, 2025 jyldyń qorytyndysy boıynsha Almaty qalasy men Tájíkstan arasyndaǵy syrtqy sauda aınalymy 347 mln AQSh dollary bolyp, 2024 jylmen salystyrǵanda 17,5 paıyzǵa óstí.
Búgínde Almatyda tájík kapıtaly bar 226 kásíporyn jūmys ísteıdí. Olar óńdeu ónerkásíbí, qūrylys, kóterme jáne bólshek sauda, kólík, qarjy qyzmetí jáne qyzmet kórsetu salalaryn qamtıdy.
Óz kezegínde Saıd Davlatalı Almatynyń Tájíkstan ónímderí, onyń íshínde auyl sharuashylyǵy tauarlary úshín írí tūtynu naryǵy ekenín atap óttí. Onyń aıtuynsha, aldaǵy ekí kúnde Almatyda Hatlon oblysynyń tauar óndírushílerí qatysatyn úshínshí auyl sharuashylyǵy jármeńkesí ótedí.
Ol būl ís-shara Hatlon oblysynyń óndírushílerí men Almatynyń bıznes qauymdastyǵy arasyndaǵy tíkeleı áríptestíktí nyǵaıtudyń tıímdí alańyna aınalatynyn jetkízdí.
Kezdesu qorytyndysy boıynsha taraptar ekonomıkalyq jáne gumanıtarlyq yntymaqtastyqty tereńdetuge baǵyttalǵan bírlesken bastamalardy íske asyru boıynsha jūmysty jalǵastyruǵa nıettí ekenín rastady.