Sheteldík qonaqtardyń negízgí aǵynyn dástúrlí túrde kórshíles elder qalyptastyrady, – dep habarlaıdy aqshamnews.kz tílshísí.
2026 jyldyń bírínshí toqsanynyń qorytyndysy boıynsha Qazaqstanǵa 3 mln sheteldík sayahatshy keldí, al shetelge shyqqan Qazaqstan azamattarynyń sany 2,47 mln adamdy qūrady (2025 jyldyń qorytyndysy boıynsha Qazaqstanǵa 15,7 mln sheteldík kelgen, būl 2024 jylmen salystyrǵanda 3,1% kóp).
Sheteldík qonaqtardyń negízgí aǵynyn dástúrlí túrde kórshíles elder qalyptastyrady. Eń kóp kelushí Ózbekstannan – 1,1 mln adam. Odan keıín Qyrǵyzstan – 723,5 myń adam jáne Reseı – 564,7 myń adam.
Sonymen qatar eldíń turıstík ınfraqūrylymy da damuyn jalǵastyruda. 2026 jylǵy 1 sáuírdegí jaǵdaı boıynsha Qazaqstanda qonaqúılerdí, demalys bazalaryn jáne basqa da ornalastyru nysandaryn qosa alǵanda, 4 505 ornalastyru nysany jūmys ístedí. Bír jyl íshínde olardyń sany 192-ge artty.
2026 jyldyń qańtar-nauryz aılarynda ornalastyru oryndarynda 2 mln qonaq toqtady, onyń íshínde 802 myńnan astam adam Qazaqstannyń kurorttyq aımaqtaryn tańdady.
Eń tanymal kurorttyq baǵyttar:
Almaty tau klasterí – 509,3 myń kelushí;
Shchuchınsko-Burabaı kurorttyq aımaǵy – 116,7 myń adam;
Mańǵystau kurorttyq aımaǵy – 53,3 myń adam;
Túrkístan turıstík aımaǵy – 39,4 myń adam;
Altaı kurorttyq aımaǵy – 30,3 myń adam.
2026 jyldyń bírínshí toqsanynda ornalastyru oryndary kórsetken qyzmetterdíń kólemí 69,4 mlrd teńgege jetíp, ótken jyldyń sáıkes kezeńímen salystyrǵanda 13,9% artty.
Qazaqstanda qonaqúı sektory da damuyn jalǵastyruda. Búgínde elde 23 bes jūldyzdy, 45 tórt jūldyzdy jáne 26 úsh jūldyzdy qonaqúı jūmys ísteıdí.