Bírlesken akademıyalyq jobalar júzege asyrylyp jatyr, dep habarlaıdy aqshamnews.kz tílshísí.
Almaty ákímíníń orynbasary Abzal Núkenov Ūlybrıtanıya Qauymdar palatasy Qorǵanys komıtetíníń tóraǵasy Tan Desı bastaǵan Ūlybrıtanıya Parlamentí delegatsıyasymen kezdestí. Kezdesuge Ūlybrıtanıyanyń Qazaqstandaǵy Elshísí Sallı Aksuorsı de qatysty.
Kezdesudíń negízgí taqyryptarynyń bírí brıtandyq bıznestí qalalyq jobalarǵa tartu boldy. Búgínde Almatyda brıtandyq kapıtaly bar 256 kásíporyn tírkelgen. Olar kásíbı jáne ǵylymı-tehnıkalyq qyzmet, sauda, qarjy jáne basqa da salalarda jūmys ísteıdí.
«Almaty polıortalyqtyq damu modelí ayasynda jańa ósu núktelerín qalyptastyryp keledí. Bíz brıtandyq bıznespen qalalyq ınfraqūrylym, kólík, development, qonaq úı bıznesí, jasyl ekonomıka jáne zamanauı tehnologıya salalarynda yntymaqtastyq ornatuǵa múmkíndík bar dep sanaımyz», – dedí Abzal Núkenov.
Taraptar turıstík baılanysty damytu máselesín de talqylady. 2026 jyldyń bírínshí jartyjyldyǵynda Almatyǵa Ūlybrıtanıyadan 7 myńnan astam turıst keldí. Būl ótken jyldyń osy kezeńímen salystyrǵanda 16,5%-ǵa kóp. Múmkíndígí joǵary baǵyttardyń qatarynda tau turızmí, tıístí ınfraqūrylymdy damytu jáne tájírıbe almasu bar.
Kelíssózderdíń jeke bólígí bílím beru jáne ınnovatsıya salasyna arnaldy. Almatyda búgínde Coventry University kampusy jūmys ísteıdí. Onda ınjenerlík jáne kompyuterlík ǵylymdar, jasandy ıntellekt jáne sáulet baǵyttary boıynsha bílím beru baǵdarlamalary ūsynylǵan.
Queen’s University Belfast, SOAS University of London, University of London, De Montfort University jáne basqa da brıtandyq joǵary oqu oryndarymen bírlesken akademıyalyq jobalar júzege asyrylyp jatyr.
Kezdesu sońynda taraptar Almaty men Ūlybrıtanıyanyń ískerlík jáne akademıyalyq ortasy arasyndaǵy tíkeleı baılanysty jalǵastyruǵa uaǵdalasty.