Kúıeuíníń shotyn teksermek bolǵan áıel konstıtutsıyalyq sotqa deıín jettí, – dep habarlaıdy aqshamnews.kz tílshísí.
Azamatshanyń ótíníshí negízínde Konstıtutsıyalyq Sot «Qazaqstan Respublıkasyndaǵy bankter jáne bank qyzmetí turaly» Zańynyń 50-baby 4-tarmaǵynyń Qazaqstan Respublıkasynyń Konstıtutsıyasyna sáıkestígín tekseredí.
Atalǵan normaǵa sáıkes, bank qūpıyasyn qūraıtyn málímetter tek klıenttíń ózíne nemese shot (múlík) ıesíníń kelísímímen úshínshí tūlǵaǵa ǵana ashyluy múmkín.
Azamatsha kórsetílgen ereje ís júzínde erlí-zaıyptylardyń bíríníń ortaq jınaqtar turaly aqparat alu múmkíndígín shekteıdí jáne erlí-zaıyptylardyń ortaq múlkíndegí úleske qūqyqty íske asyruǵa kedergí keltíredí dep esepteıdí.
Ótíníshte nekení būzǵannan keıín ortaq múlíktí bólu turaly talap-aryz daıyndau barysynda ótínísh berushí būrynǵy jūbaıynyń neke kezeńínde jınaqtaǵan qarjylyq qarajaty turaly málímetterdí ala almaǵany kórsetílgen.
Osyǵan baılanysty ol ekínshí deńgeıdegí bankterge qatysty tıístí aqparatty ūsynu míndetín júkteu turaly talap-aryzben sotqa júgíngen. Alaıda sot talaptardy qanaǵattandyrudan bas tartqan.