QR Ádílet mınıstrí Erlan Sársembaev 2026 jylǵy 4 nauryzda Májílís otyrysynyń barysynda Konstıtutsıya kúní qalaı atalyp ótíletínín túsíndírdí, – dep habarlaıdy aqshamnews.kz tílshísí.
Jurnalıster eger referendum nátıjesínde Konstıtutsıyanyń jańa redaktsıyasy qabyldansa, bıyl 30 tamyzdaǵy demalys kúní saqtala ma dep sūrady.
Erlan Sársembaev bylaı dedí:
"Mení de qyzyqtyrady. Sízder BAQ-ta jarıyalanǵan Konstıtutsıya jobasyn oqydyńyzdar ma? Eger oqyǵan bolsańyzdar, 94-bap dál osy máselení qarastyrady. Ekínshí tarmaq: "Respublıkalyq referendumda Konstıtutsıya qabyldanǵan kún memlekettík mereke bolyp esepteledí". Yaǵnı, eger halyq jańa Konstıtutsıya redaktsıyasyn qoldasa, Konstıtutsıya kúní 15 nauryzda atalyp ótíledí. Sol sebeptí qazírgí 30 tamyzdaǵy mereke kúshín joǵaltady. Bíz, yaǵnı, 15 nauryzda azamattarymyz qabyldaıtyn sheshímge súıenemíz".
