Almatydaǵy kommunaldyq jáne ınfraqūrylymdyq kásíporyndardyń qyzmetkerlerí respublıkalyq referendumǵa qatysty. Qalalyq qyzmetterdíń mamandary uchaskelerge tūrǵylyqty jerí boıynsha jūmys auysymyna deıín nemese keıín, sondaı-aq otbasy múshelerímen bírge kelíp jatyr, – dep habarlaıdy aqshamnews.kz tílshísí.
«Almaty Qala Jaryq» KMK ūjymy jūmys barysyn toqtatpaı-aq dauys beruge qatysty. Kásíporyn táulík boıy jūmys ísteıtíndíkten, qyzmetkerler uchaskelerge kezekshílík bastalǵanǵa deıín kelíp, tańdau jasady. Kásíporynda shamamen 300 adam eńbek etedí.
Belsendílík «Almaty Su» kommunaldyq kásíporny qyzmetkerlerí arasynda da baıqaldy. Kásíporyn málímetínshe, saǵat 10:30-degí jaǵdaı boıynsha 3618 qyzmetker men olardyń otbasy múshelerí dauys beruge qatysqan. Kópshílígí uchaskelerge jaqyndarymen bírge kelgen. Jas mamandar úshín būl qoǵamdyq mańyzy bar sharaǵa alǵash ret qatysu tájírıbesíne aınaldy.
Dauys beruge «Almatyjylujaıenergo» JShS qyzmetkerlerí de qatysty. Tańerteńnen bastap referendum uchaskeleríne óndírístík bólímsheler men qazandyqtardyń mamandary keldí. Aldyn ala málímet boıynsha, kásíporynnyń 1890-nan astam qyzmetkerí men olardyń otbasy múshelerí dauys beruge qatysqan.
«Almaty jylu júıesí» JShS qyzmetkerlerí de belsendílík tanytty. Kásíporyn málímetínshe, saǵat 09:30-daǵy jaǵdaı boıynsha 350-den astam qyzmetker dauys bergen. Olardyń kópshílígí uchaskelerge tuystarymen bírge kelgen.
Referendumǵa qalanyń kólík ınfraqūrylymy salasynyń qyzmetkerlerí de qosyldy. Almaty metropolıteníníń qyzmetkerlerí men olardyń otbasy múshelerí de dauys beruge qatysty. Saǵat 10:30-daǵy málímet boıynsha shamamen 1950 adam tańdau jasaǵan.
Joǵary belsendílík «Almaty Parkıng» KMK ūjymynda da baıqaldy. Kásíporyn derekteríne sáıkes, túske deıín qyzmetkerlerdíń 96 paıyzy dauys beruge qatysqan. Kóptegen maman uchaskelerge tańerteńnen bastap tūrǵylyqty jerí boıynsha kelgen.
Respublıkalyq referendum 15 nauryz kúní búkíl el boıynsha ótíp jatyr. Barlyq uchaskeler shtattyq rejımde jūmys ístep tūr. Qalalyq kásíporyndardyń qyzmetkerlerí uchaskelerge kelíp, dauys berudí jalǵastyruda.