Kólík polıtseılerí asa írí mólsherde esírtkíní zańsyz saqtau faktísíníń jolyn kestí, – dep habarlaıdy Aqshamnews.kz Polisia.kz- ke sílteme jasap.
2025 jyldyń jazynda kólíktegí polıtsıya departamentíníń qyzmetkerlerí jedel-ízdestíru ís-sharalary barysynda Abaı oblysynyń 31 jastaǵy tumasyn esírtkí zattaryn asa írí mólsherde zańsyz daıyndau jáne saqtau kúdígí boıynsha ūstady. Er adamnyń Ertís ózeníníń jaǵalauynan jabaıy ósetín qarasorany keıínnen paıdalanu maqsatynda jınap, ony keptírgení anyqtaldy. Jeke tíntu kezínde ūstalǵan azamattyń shalbarynyń qaltasynan jalpy salmaǵy 232 gramm bolatyn gashısh esírtkí zaty tárkílendí. Atalǵan derek boıynsha qylmystyq ís qozǵaldy. Semeı qalasynyń qylmystyq íster jóníndegí audanaralyq soty qūqyq būzushyny 3 jylǵa bas bostandyǵynan aıyru jazasyna kestí. Úkím zańdy kúshíne endí. Eske sala keteıík, jyl basynan berí kólíktegí polıtsıya departamentíníń qyzmetkerlerí esírtkíníń zańsyz aınalymyna baılanysty 51 qūqyq būzushylyqty anyqtady, onyń íshínde 10-y satu faktísí, bír asa írí mólsherde saqtau faktísí jáne ekí kontrabanda deregí jáne basqa da qūqyq būzushylyqtar bar. Zańsyz aınalymnan 9,5 kelí túrlí esírtkí tárkílendí.