Būl sharalar qūqyq būzushylyqtardyń aldyn aluǵa jáne oqushylardyń qorǵalu deńgeıín arttyruǵa baǵyttalǵan, – dep habarlaıdy aqshamnews.kz tílshísí.
Almaty qalasynda polıtsıya qyzmetkerlerí bílím beru ūıymdarynda balalardyń qauípsízdígín qamtamasyz etu boıynsha josparly tekseríster júrgízíp jatyr.
Qoǵamdyq qauípsízdík bólímsheleríníń qyzmetkerlerí qala mektepterín aralap, ótkízu rejımíníń ūıymdastyryluyn, kúzet qyzmetíníń sapasyn, sondaı-aq dabyl túımelerí men beınebaqylau júıeleríníń jūmysyn tekserude.
Sonymen qatar oqu oryndarynyń aumaǵyna bógde adamdardyń kíruíne erekshe nazar audarylyp, qauípsízdíkke arnalǵan tehnıkalyq qūraldardyń jaı-kúıí baqylauǵa alynady. Sonymen bírge pedagogıkalyq ūjymmen profılaktıkalyq jūmystar júrgízílude.
Polıtseıler tótenshe jaǵdaılar tuyndaǵan kezde áreket etu algorıtmín túsíndíríp, qauípsízdík talaptaryn qatań saqtau qajettígín eskertedí.
Polıtsıya málímetínshe, Almaty qalasynda 300-den astam bílím beru ūıymy jūmys ísteıdí jáne olardyń barlyǵy tūraqty baqylauda. Jyl saıyn mektepterde qauípsízdík deńgeıín arttyru maqsatynda myńnan astam tekserís pen nūsqama ótkízíledí.
"Balalardyń qauípsízdígí – basty basymdyq. Bíz tek formaldy kórsetkíshterdí emes, mektepterdíń kez kelgen tótenshe jaǵdaıǵa naqty daıyndyǵyn tekseremíz. Árbír qyzmetker óz áreketíníń tártíbín naqty bílíp, jeke jauapkershílíktí sezínuí tıís. Tek osyndaı tásíl arqyly balalardyń qauípsízdígín tolyq qamtamasyz etuge bolady", – dedí Almaty qalasy PD qoǵamdyq qauípsízdík basqarmasynyń bastyǵy Tımur Noǵaıbaev.