Sauda qorytyndysy boıynsha 43 bírlík múlík, onyń íshínde kádesyılyq monetalar, qylyshtar jáne basqa da aktıvter, jalpy 10 mln teńgeden astam somaǵa satyldy, dep habarlaıdy aqshamnews.kz
15 tamyzda elektrondyq E-Qazyna platformasy arqyly Kárím Másímovtíń úıínen tárkílengen qymbat zattar satyldy.
Olıgarh, jemqorlardan tárkílengen saǵattar 117 mıllıon teńgege satyldy
SAUDA
Bastapqy baǵasy – 7 mln teńge. Lottardyń qūnynyń ósuí qatysushylar tarapynan joǵary qyzyǵushylyq pen básekelestík sıpattaǵy saudany kórsetedí.
AUKTsION
Auktsıon ashyq árí ádíl ótkízu qaǵıdattaryna sáıkes ūıymdastyrylǵan, būl barlyq qatysushylar úshín teń qoljetímdílíktí qamtamasyz etedí. Belgílengen tártípke sáıkes, sauda ayaqtalǵannan keıín 10 jūmys kúní íshínde jeńímpazdar men satushy arasynda satyp alu-satu sharty jasalady. Aktıvter tek qarajat tolyq kólemde satushynyń shotyna túskennen keıín ǵana beríledí.
SAUDADAN TÚSKEN AQShA QAIDA JŪMSALADY
Satudan túsken qarajat Arnauly memlekettík qorǵa audarylady.
- Būl qarajat bílím beru, densaulyq saqtau, ınfraqūrylym salalaryndaǵy áleumettík mańyzy bar jobalardy qarjylandyruǵa, sondaı-aq áleumettík tūrǵydan osal toptaǵy azamattardy qoldauǵa baǵyttalady, delíngen habarlamada.
ANYQTAMA
2023 jylǵy sáuírde sot Másímov pen onyń orynbasarlaryna úkím shyǵardy. Eks-basshy memleketke opasyzdyq, bılíktí basyp aluǵa shaqyru jáne qyzmettík ókíletín asyra paıdalanu baptary boıynsha kínálí dep tanyldy. Sot úkímí boıynsha ol 18 jylǵa bas bostandyǵynan aıyryldy, múlkí tárkíleníp, memlekettík qyzmette ómír boıy jūmys ísteu qūqyǵynan aıyryldy. Būǵan deıín prezıdent Toqaev Másímovtí keshírmeıtínín aıtqan.
2025 jylǵy aqpan aıynda Másímov densaulyǵyna baılanysty shartty túrde merzímínen būryn bosatu turaly úsh ret ótínísh bergení belgílí boldy.