Áleumettík jelíden syrt kelbetí úshín bala kezínde bullıngke ūshyrap, keıín eseıíp, óz erekshelígín qabyldaǵan qyzdardyń motıvatsıyalyq blog bastaǵanyn jıí baıqaǵan bolarsyz? Alaıda jūrt sengen blog ıeleríníń jasandy ıntellekt arqyly jasalǵan tsıfrlyq obraz ekení belgílí boldy. Aqshamnews.kz tílshísí dál osyndaı JI-bloger jobasyn oılap tapqan qazaqstandyq IT-mamanmen tíldesíp, jobanyń qalaı tuǵanyn, ıdeyanyń astaryndaǵy maqsatty jáne būl formattyń medıa keńístíktegí bolashaǵyn sūrap bíldí.
JI blogtar nege jıíledí?
Instagram jáne TikTok platformalarynda erekshe kelbettí qyzdardyń blog bastaǵanyn jıí baıqauǵa bolady. Olardyń kóbíníń stsenarıí ūqsas. Olar bala kezínde syrt beınesí úshín bullıngke ūshyrap, qazír sol jaǵdaıdy qabyldap, kerísínshe el aldyna shyǵudy jón sanaǵandaryn jarıyalaıdy.
Solardyń bírí - aileen_blog atty paraqsha. Dál osyndaı júıemen oqıǵasyn bólísken vıdeo jelíde bírneshe mıllıon qaralym jınap, bar-joǵy tórt kúnde paraqshaǵa 22 myńnan asa jazylushy tírkelgen. Alaıda keıín Aılınníń obrazy shynaıy adam emes ekení belgílí boldy. Tanymal akkauntty Alekseı esímdí qazaqstandyq jasandy ıntellekt kómegímen eksperıment retínde jasap shyqqanyn moıyndady.
Qazír belgílí bír sebeptermen Aılınníń Instagram-paraqshasy tekseríste.
Bızneske arnalǵan JI-den medıajobaǵa deıín
JI arqyly blog júrgízu jobasyn óskemendík Alekseı esímdí aıtı mamany bastaǵan. Ol jasandy ıntellekt salasyna marketıngten emes, avtomattandyru men bıznes-protsesterge JI engízu baǵytynan kelgen. Komandasy ekí jylǵa juyq uaqyt boıy kompanıyalarǵa arnalǵan assıstentter, avtomattandyrylǵan júıeler men generatıvtí modelderge negízdelgen kontent-servısterdí jasap keledí.
"Jasandy ıntellekt ashyq naryqqa engen alǵashqy kezeńnen bastap-aq, būl tehnologıyanyń oıynshyq emes, naqty bıznes-qūral retínde qoldana bastadyq. Keıín būl tájírıbe JI-dí tek qyzmet retínde emes, derbes medıaóním retínde zertteuge alyp keldí", - deıdí ol tílshíge bergen sūhbatynda.
JI-bloger ıdeyasy qalaı tudy?
JI-bloger jasau ıdeyasy negízgí qyzmettíń logıkalyq jalǵasyna aınalǵan. Alekseıdíń aıtuynsha, būl bír jaǵynan naqty josparlanǵan joba bolsa, ekínshí jaǵynan - naryq álí tolyq qalyptaspaǵandyqtan qyzyq tájírıbe bolǵan.
"Shetelde mūndaı jobalar būrynnan bar bolǵanymen, qazaqstandyq jáne TMD audıtorıyasyna beıímdelgen format joqtyń qasy edí. Sondyqtan vızual, mádenı kod, audıtorıya talǵamyn eskere otyryp, formatty jergílíktí kontekske beıímdedík. Nátıjesínde joba tez arada sūranysqa ıe bolǵan. Típtí qaralym sany men qyzyǵushylyqtyń kóbín baıqaǵan bírneshe bıznes ıelerí, jarnama boıynsha ūsynys ta tastady", - deıdí ol.
curet: instagram.com/alexcroiss
Joba avtory qoldanylatyn qūraldardyń barlyǵy búgíngí kúní kópshílíkke qoljetímdí ekenín aıtady. Alaıda negízgí aıyrmashylyq - tehnologıyany qalaı paıdalanuynda.
"Bír qūral bír adamda jasandy, suyq kontent berse, ekínshísínde emotsıya tudyratyn tírí obrazǵa aınaluy múmkín. Sondyqtan būl jobada basty qūndylyq - tájírıbe, stsenarıı, vızualdyq logıka men audıtorıya psıhologıyasyn túsínu", - dep qosty Alekseı.
Jobany íske qosu shamamen bír aptaǵa sozylǵan, onyń basym bólígí ıdeyany oılastyru men gıpotezalardy tekseruge ketken.
JI-blogerler ınflyuenserlerdí almastyra ala ma?
Avtordyń píkírínshe, JI-blogerler tírí adamdardy yǵystyrmaıdy, kerísínshe medıakeńístíktí keńeıtedí.
Būl - jańa format, jańa tájírıbe jáne jańa audıtorıya. Keı adamdar úshín tsıfrlyq model - óz oıy men shyǵarmashylyǵyn qauípsíz túrde kórsetu múmkíndígí. Ol jeke tūlǵaǵa qatysty qysymsyz, qorqynyshsyz eksperıment jasauǵa jol ashady. Sondyqtan JI-blogerlerdí básekeles emes, medıanaryqtaǵy jańa nısha retínde qabyldaǵan jón", - dedí maman.
curet: instagram.com/aileen_blog
Búgínde joba negízínen jarnama arqyly tabys tauyp otyr. Bolashaqta tsıfrlyq modelder de kádímgí blogerler sekíldí menedjmentí, strategıyasy bar tūraqty medıaónímge aınaluy múmkín.