Jetísu oblysy Panfılov audanyndaǵy Jarkent qalasynda tuǵan balasyn ūryp-soqty degen kúdíkke ílíngen áıel sot sheshímímen ekí aıǵa qamauǵa alyndy, dep habarlaıdy Aqshamnews.kz tílshísí.
Atalǵan derek boıynsha áıelge qatysty Qylmystyq kodekstíń 110-babynyń 2-bólígí, yaǵnı «Azaptau» babymen qylmystyq ís qozǵalǵan. Qazírgí uaqytta sotqa deıíngí tergeu amaldary júrgízílíp jatyr.
Jetísu oblystyq polıtsıya departamentíníń málímetínshe, ís ayasynda bírqatar sot saraptamasy taǵaıyndalǵan. Olardyń qatarynda kúdíktíge psıhıatrıyalyq saraptama júrgízu de qarastyrylǵan.
«Kúdíktí ekí aı merzímge qamauǵa alyndy. Saraptamalardyń qorytyndysy shyqqannan keıín tergeu ayaqtalyp, áıelge qatysty sot otyrysy ótedí», – dep habarlady polıtsıya departamentí.