Jambyl oblysynda «Kazfosfat» JShS qūramyna kíretín kásíporyndarda az uaqyt íshínde ekí auyr óndírístík oqıǵa tírkelíp, sońy adam ólímímen ayaqtaldy, dep habarlaıdy Aqshamnews.kz tílshísí.
Alǵashqy oqıǵa 29 qańtarda Novodjambul fosfor zauytynda bolǵan. Tseh №5 aumaǵynda tehnologıyalyq jūmystar kezínde peshten ystyq shlak atqylap, úsh jūmysshy kúıík shalǵan. Zardap shekkenderdíń bírí – 1994 jyly tuǵan operator denesíníń 45%-yn qamtyǵan auyr termohımıyalyq kúıík alyp, jansaqtau bólímíne jetkízílgenímen, bírneshe kúnnen keıín kóz jūmdy. Al 1983 jáne 2003 jyly tuǵan ekí qyzmetker kúıík bólímínde em qabyldap jatyr, jaǵdaıy ortasha auyr dep baǵalanǵan.
Būdan keıín «Kazfosfatqa» qarasty mıneraldy tyńaıtqyshtar zauytynda da qaıǵyly jaǵdaı boldy. Kásíporyn aumaǵynda júk kólígíníń júrgízushísí BelAZ júk kólígíníń astynda qalyp, oqıǵa ornynda qaza tapqan. Aldyn ala derek boıynsha, 1992 jyly tuǵan júrgízushí kólíktíń bortyna júk baılau kezínde artqa qozǵalǵan auyr tehnıkanyń astynda qalǵan.
Kásíporyn ázírge oqıǵalarǵa qatysty resmı málímdeme jasaǵan joq. Qatarynan bolǵan būl jaǵdaılar óndírístegí eńbek qauípsízdígí talaptarynyń saqtaluy máselesín qaıta kóterdí.
