Jambyl oblysynyń Shý qalasynda jalpy salmaǵy 52 keli bolatyn qap-qap marıhýanany tyqqan tórt adamǵa sot úkimi shyqty, dep habarlaıdy Aqshamnews.kz tilshisi.
Shý qalalyq soty qylmystyq istegi tórt adamdy da kináli dep tanylyp, olardy 7 jyldan 11 jylǵa deıin sottady.
«Kóliktegi polısıa departamentiniń esirtki qylmysyna qarsy is-qımyl qyzmetkerleri tintý júrgize otyryp jalpy salmaǵy 53 keliden astam marıhýana tárkilegen bolatyn. Bul esirtki zaty Jambyl oblysynyń aýmaǵynan tys jerlerge tasymaldanbaq bolǵan. Atalǵan fakti boıynsha qylmystyq is qozǵaldy. Tergeý barysynda ustalǵan adamdardyń esirtki quralyn keıinnen qara naryqta satý maqsatynda jınaýmen aınalysqany anyqtaldy», - dep habarlaıdy polısıa.