2025 jylǵy 12 qarasha kúni Qonaev qalalyq Mádenıet úıinde Almaty oblysy boıynsha «Azamattarǵa arnalǵan úkimet» memlekettik korporasıasynyń halyqqa qyzmet kórsetý ortalyqtarynyń 20 jyldyq mereıtoıyna arnalǵan saltanatty jıyn ótti, - dep habarlaıdy Aqshamnews.kz.
Bul ataýly kún – memlekettik qyzmet salasyn arttyrý, halyqtyń ómirin jeńildetý jolynda aıanbaı eńbek etip kele jatqan Halyqqa qyzmet kórsetý ortalyqtary qyzmetkerleri úshin erekshe mereke.
Saltanatty jıynǵa Memlekettik korporasıanyń Basqarma múshesi, memlekettik organdardyń ókilderi, sala ardagerleri, korporasıa qyzmetkerleri jáne seriktes uıymdardyń ókilderi qatysty.
Mereıtoı barysynda azamattarǵa sapaly, ári qoljetimdi qyzmet kórsetýdi qamtamasyz etip kele jatqan Halyqqa qyzmet kórsetý ortalyqtarynyń 20 jyl ishindegi jetistikteri men damý kezeńderi atap ótildi.
El senimin aqtap, adal qyzmet etken, korporasıanyń alǵashqy kúninen bastap birge kele jatqan azamattar men ardager tulǵalarǵa erekshe yqylas bildirildi. Eńbegi elengen qyzmetkerlerge qurmet gramotalary men tósbelgiler tabystalyp, alǵys hattarmen marapattaldy.
Mereıtoılyq sharada qatysýshylar ótken jyldardaǵy jetistikterge kóz júgirtip, halyqqa sapaly qyzmet kórsetýdiń jańa kezeńine qadam basqanyn atap ótti.
Aıta ketý kerek, osydan jıyrma jyl buryn 5 qyzmet túrin kórsetýden bastaǵan Halyqqa qyzmet kórsetý ortalyqtary, qazirgi tańda turǵyndarǵa 1300 den astam qyzmet túrin usynyp otyr.
«Bizdiń basty maqsatymyz – halyqqa sapaly, ádil, ári qoljetimdi qyzmet kórsetý. Bul 20 jyl – qajyrly eńbektiń, jaýapkershilik pen adaldyqtyń tarıhy», - dedi Almaty oblysy boıynsha fılıal dırektory Talǵat Bektursynuly óz sózinde.
Merekelik is – shara konserttik baǵdarlamaǵa ulasyp, jyly lebizder men shynaıy rızashylyqqa toly sáttermen aıaqtaldy.