Astanada «Zań men tártíp» qaǵıdaty men «Taza Qazaqstan» respublıkalyq ekologıyalyq aktsıyasy ayasynda qoǵamdyq tártíp pen tazalyqty qamtamasyz etuge baǵyttalǵan kúndelíktí profılaktıkalyq reıdter ótíp jatyr, – dep habarlaıdy aqshamnews.kz tílshísí.
Kezektí ís-shara elordanyń Nūra audanyndaǵy Ortalyq sayabaq aumaǵynda óttí, dep habarlaıdy qala ákímdígíníń resmı saıty.
Reıdke audan ákímdígíníń qyzmetkerlerí, Nūra audandyq polıtsıya basqarmasynyń ókílderí jáne eríktíler qatysty.
Ís-sharanyń basty maqsaty – qoǵamdyq tártíptí saqtau mádenıetín qalyptastyru, qorshaǵan ortaǵa ūqypty qaraudy nasıhattau jáne qala tūrǵyndary men qonaqtarynyń ekologıyalyq jauapkershílígín arttyru.
Reıd barysynda sayabaqqa kelushílerge eskertu mazmūnyndaǵy aqparattyq paraqshalar taratyldy. Sonymen qatar mamandar qoǵamdyq oryndardyń tazalyǵyn saqtau, tūrmystyq qaldyqtardy arnaıy jáshíkterge tastau jáne tabıǵatqa janashyrlyqpen qarau qajettígín túsíndírdí.
«Búgíngí ís-sharanyń negízgí maqsaty – qoǵamdyq qana emes, ekologıyalyq tártíp mádenıetín qalyptastyru. Ásírese jaz mezgílínde demalushylardy qoqys qaldyrmauǵa, tabıǵatty ayalauǵa jáne tazalyq saqtauǵa shaqyramyz. Jastar arasynda túsíndíru jūmysyna erekshe kóńíl bólemíz. Zańǵa jáne qorshaǵan ortaǵa qūrmettí jastaıynan qalyptastyru óte mańyzdy», – dedí Nūra audandyq polıtsıya basqarmasy qoǵamdyq tártíp bólímíníń bastyǵynyń orynbasary Azamat Ájíbaev.
Elorda tūrǵyny Ádílet Omarov mūndaı bastamalardyń qoǵam úshín mańyzy zor ekenín atap óttí.
«Búgín otbasymyzben tabıǵat ayasynda seruendeuge shyqtyq. Bíz balalarymyzǵa qoǵamdyq tártíptí saqtap, qorshaǵan ortaǵa ūqypty qaraudy únemí úıretemíz. «Taza Qazaqstan» jobasyn árdaıym qoldaımyz, onyń mańyzyn úıde balalarymyzǵa da, jūmysta áríptesterímízge de túsíndíremíz. Elímízde zań men tártíp ústemdík qūryp, qoǵamda tynyshtyq ornap, tabıǵatqa janashyrlyq ár adamnyń ómírlík ūstanymyna aınalsa eken deımín», – dedí ol.
Mūndaı profılaktıkalyq ís-sharalar azamattardyń qūqyqtyq sauatyn arttyruǵa jáne qūqyq būzushylyqtardyń aldyn aluǵa baǵyttalǵan.
Eske sala keteıík, «Zań men tártíp» qaǵıdaty men «Taza Qazaqstan» ekologıyalyq bastamasy ayasyndaǵy profılaktıkalyq reıdter Astananyń barlyq alty audanynda tūraqty túrde ótkízílíp keledí.