Almatyda 26 shílde kúní ótken qalalyq Recycle Bírge ekologıyalyq aktsıyasy barysynda qūramynda synaby bar 430 sham jınaldy, – dep habarlaıdy aqshamnews.kz tílshísí.
Qauíptí tūrmystyq qaldyqtar keıínnen kádege jaratu úshín «Eco Almaty» JShS-ne tapsyryldy.
Qūramynda synap bolǵandyqtan mūndaı shamdardy kádímgí qoqys jáshíkteríne tastauǵa bolmaıdy. Sebebí shynysy synǵan jaǵdaıda uly zat auaǵa, topyraqqa jáne suǵa taraluy múmkín.
«Bízge tapsyrylǵan shamdar qauípsízdík talaptaryna saı saqtalyp, keıín arnaıy mamandandyrylǵan ūıymǵa jíberíledí. Mūndaı qaldyqtardy synaptyń qorshaǵan ortaǵa taraluyna jol bermeu úshín míndettí túrde bólek jınau qajet», – dedí Eco Almaty ókílderí.
Aktsıyaǵa qatysushylar plastık, makulatura, shyny, metall qaptamalar, paıdalanylǵan batareyalar, eskí elektronıka, kabelder jáne basqa da qaldyq túrlerín ákeldí. Sūryptalǵannan keıín qaıta óńdeuge jaramdy materıaldar tıístí ūıymdarǵa jíberíledí.
Aktsıya tūrǵyndardy, eríktílerdí, ekologıyalyq belsendílerdí, bıznes ókílderín jáne qoǵamdyq ūıymdardy bíríktírdí. Ís-shara alańynda zattardy qaıta paıdalanu jáne aıyrbastau aımaqtary da jūmys ístedí. Tūrǵyndar kıím-keshek, ayaq kıím, oıynshyqtar, kítaptar, ydys-ayaq jáne basqa da jaramdy zattardy jańa ıeleríne tapsyrdy.
Qatysushylar kítaptarmen, bólme ósímdíkterímen, qalemshelermen jáne tūqymdarmen almasyp, qaldyqtardy bólek jınau men jauapty tūtynu taqyrybyndaǵy sheberdíń sabaqtary men dárísterge qatysty.
Recycle Bírge jobasy Greenup.kz qoǵamdyq qory tarapynan 2019 jyldan berí júzege asyrylyp keledí. Joba Almatyda qaldyqtardy sūryptau, qaıta óńdeu jáne zattardy qaıta paıdalanu mádenıetín damytuǵa yqpal etedí.