Qazaqstanda Memleket basshysy Qasym-Jomart Toqaevtyń qoldauymen daryndy jastar men shyǵarmashylyq orta ókílderíníń bastamalaryn ílgeríletuge jáne olardyń áleuetín damytuǵa aıryqsha kóńíl bólínedí, – dep habarlaıdy aqshamnews.kz tílshísí.
Jas talanttardy yntalandyratyn bedeldí marapattardyń bírí – ǵylymda, ónerde jáne sportta jetístíkterí bar jastarǵa beríletín «Daryn» memlekettík jastar syılyǵy. Búgínde atalǵan syılyqtyń laureattary sany 380 adamǵa jettí. Syılyq ıegerleríne laureat ataǵymen bírge, arnaıy dıplom, tósbelgí jáne 1 mıllıon teńge kólemínde aqshalaı syıaqy tabystalady.
Memleket basshysynyń bastamasymen 2021 jyldan berí jyl saıyn 3 mıllıon teńge kólemíndegí «Táuelsízdík ūrpaqtary» granty beríledí. Grant jas qazaqstandyqtardyń tyń ıdeyalary men bastamalaryn qoldauǵa baǵyttalǵan. Osy uaqytqa deıín 153 jas atalǵan grantqa ıe boldy.
Mádenıet pen ónerge eńbek síńíríp júrgen azamattar da memlekettík qoldaudan tys qalǵan emes. Jyl saıyn mádenıet salasynyń 75 ókílíne memlekettík stıpendıya taǵaıyndalady. Bıyldan bastap stıpendıya kólemí ekí esege ūlǵaıtylyp, 5 mıllıon teńgege jettí. Sonymen qatar Memleket basshysynyń tapsyrmasymen dástúrlí ónerdí dáríptep júrgen ónerpazdarǵa «Asyl mūra» ūlttyq syılyǵy taǵaıyndalady.
Mádenıet jáne aqparat mınıstrlígí halyqaralyq baıqaular men festıvalderdíń jeńímpazdary men júldegerlerín yntalandyrudyń jańa tetíkterín ázírleude. Josparǵa sáıkes, muzyka, teatr, horeografıya men balet, beıneleu jáne sándík-qoldanbaly óner, sondaı-aq kıno jáne anımatsıya salalary boıynsha syılyq ıegerlerín arnaıy saraptama komıssıyasy aıqyndaıdy.
Qoǵamda daryndy jastardyń halyqaralyq deńgeıde tanyluyna da erekshe kóńíl bólínedí. Qazaqstandyq studentter, magıstranttar, oqytushylar men mádenıet salasynyń qyzmetkerlerí «Bolashaq», Erasmus+, DAAD, Fulbright, Chevening jáne ózge de baǵdarlamalar arqyly bílím alyp, taǵylymdamadan óte alady.
Búgínde «Kreatıvtí ındustrıya, shyǵarmashylyq jáne óner» baǵyty boıynsha «Bolashaq» baǵdarlamasynyń stıpendıattary Royal Conservatoire of Scotland, University of Reading, Stanford University jáne New York Film Academy sekíldí jetekshí sheteldík joǵary oqu oryndarynda bílím alyp jatyr.
Sonymen qatar bírqatar bedeldí halyqaralyq shyǵarmashylyq baıqaulardyń jeńímpazdaryna granttar berílíp, shyǵarmashylyq baǵyttaǵy joǵary oqu oryndaryna konkurssyz túsu múmkíndígí qarastyrylǵan. Oǵan muzyka, vokal, balet, horeografıya jáne oryndaushylyq óner salalaryndaǵy halyqaralyq deńgeıdegí jarystardyń jeńímpazdary qatysa alady.
Daryndy jastardy qoldau tek memlekettík baǵdarlamalarmen ǵana shektelmeıdí. Būl baǵytta shyǵarmashylyq mektepter, festıvalder, baıqaular, bílím beru jobalary, qoǵamdyq jáne qaıyrymdylyq qorlar da belsendí túrde jūmys atqaryp jatyr. Sonyń jarqyn mysaldarynyń bírí – 2024 jyly qūrylǵan BIRLIK kópūltty án-bı ansamblí. Íríkteu qorytyndysy boıynsha ansambl qūramyna Qazaqstandaǵy túrlí etnos ókílderínen qūralǵan 20 úzdík bıshí men muzykant qabyldandy.
Jas talanttarǵa jańa múmkíndíkter ūsynuda Kreatıvtí ındustrıyalardy damytu qorynyń da rólí erekshe. Qor daryndy jastardy anyqtauǵa jáne qoldauǵa, ınvestıtsıya tartuǵa, salalyq ınfraqūrylymdy damytuǵa, sondaı-aq qazaqstandyq kreatıvtí ónímderdí halyqaralyq naryqqa shyǵaruǵa kúsh salyp keledí.
Aıta keteıík, jyl saıyn shyǵarmashylyq baǵyttaǵy joǵary oqu oryndarynda bílím aluǵa 1000-nan astam, al kolledjderde oquǵa 500-den astam grant bólínedí.