Baqylau barysynda dauys beru úderísí ashyq árí aıqyn óttí, dep habarlaıdy aqshamnews.kz tílshísí.
Halyqaralyq baıqaushylar men sarapshylar Qazaqstanda ótken Qūryltaı deputattarynyń saılauyna, saılaushylardyń belsendílígíne jáne jańa parlamenttík modeldíń perspektıvalaryna oń baǵa berdí.
Polshanyń KontrolerINFO basylymynyń bas redaktory Andjeı Kazımerskıı saılaushylardyń belsendílígín demokratıyalyq úderísterdíń damu kórsetkíshí dep atady. Onyń aıtuynsha, azamattardyń dauys beruge qatysu turaly sheshímdí óz betínshe qabyldauy mańyzdy.
«75% azamattardyń dauys beruí – europalyq nátıje. Būl demokratıyanyń damyp kele jatqanyn kórsetedí. Qazír adamdar dauys beruge míndet bolǵandyqtan emes, ózderí qalaǵandyqtan keldí», – dedí Kazımerskıı.
Ol sondaı-aq saılaushylarmen sóılesíp, olardyń saılau uchaskeleríne ne úshín kelgenín jáne saılau qorytyndysynan ne kútetínín sūraǵanyn aıtty. Onyń sózínshe, qazaqstandyqtar óz úmítterín ómír súru sapasyn jaqsartumen jáne eldíń odan árí damuymen baılanystyrady.
Armenıyanyń Tūraqty damu jáne memlekettík basqaru ınstıtutynyń jetekshísí Gevorg Melıkyan saılaudy eldegí ınstıtutsıonaldyq jańǵyru úderísí ayasynda qarastyrdy. Onyń píkírínshe, qazírgí sayası úderís Qazaqstannyń memlekettík basqarudyń neǵūrlym tıímdí modelín qalyptastyruǵa ūmtylysyn kórsetedí.
«Tehnıkalyq tūrǵydan alǵanda, bíz saılaushylardyń óte joǵary belsendílígín kórdík. Mūndaı kórsetkísh demokratıyalyq elderde jıí kezdese bermeıdí. Mūnda azamattardyń qatysu deńgeıí aıtarlyqtaı joǵary, óıtkení adamdardyń úmítí men senímí bar. Osy úmítterdíń barlyǵy jańa júıe men jańa bastamalar arqyly júzege asuyn tíleımíz», – dedí Melıkyan.
Ol sondaı-aq saılau uchaskeleríndegí ahualǵa nazar audardy. Onyń aıtuynsha, baqylau barysynda dauys beru úderísí ashyq árí aıqyn óttí. Al azamattardyń ózderí saılauǵa qatysudy tek sayası tańdau jasau múmkíndígí retínde ǵana emes, mańyzdy qoǵamdyq oqıǵa retínde qabyldaǵan.