Astanalyq bloger áleumettík jelídegí paraqshasynda beınematerıal jarıyalap, onda qoǵamǵa jáne múmkíndígí shekteulí adamdardy qorlap, beıádep sózder aıtqan.
Astana polıtsıyasy atyshuly blogerdí ūstap, ákímshílík ís qozǵaǵanyn būǵan deıín habarlaǵan edík.
2025 jylǵy 2 jeltoqsanda Astana qalasynyń ákímshílík qūqyq būzushylyqtar jóníndegí mamandandyrylǵan sotyna áleumettík jelíde beıádep sózder aıtqan azamatsha O.-ǵa qatysty ís tústí. Ol Ákímshílík qūqyq būzushylyq turaly kodekstíń 434-baby 1-bólígí - ūsaq būzaqylyq boıynsha jauapqa tartyldy.
Ís materıaldaryna sáıkes, O. Instagram paraqshasynda vıdeo jarıyalap, onda qoǵamǵa, onyń íshínde múmkíndígí shekteulí adamdarǵa qatysty qorlaıtyn, beıádep sózder aıtqan. Būl áreket qoǵamdyq tártíptí būzu retínde baǵalanǵan. Būl ís qylmystyq tergeuge jatpaıdy, tek ákímshílík qūqyq būzushylyq retínde qaralady.
Sot otyrysynda O. beıádep sóz qoldanǵanyn moıyndady, bíraq «balalardy qorlau nıetím bolǵan joq» dep túsíndírdí.
434-bap boıynsha mynadaı jaza qarastyrylǵan:
20 AEK aıyppūl;
nemese 20–60 saǵat qoǵamdyq jūmys;
nemese 5–15 táulíkke qamau.
Alaıda zań boıynsha 14 jasqa deıíngí balasy bar áıelderge qamau qoldanylmaıdy.
- O.-nyń 2016 jyly tuǵan balasy bar ekení rastaldy. Sot onyń balasy bar ekenín jeńíldetetín mán-jaı dep tanyp, jauaptylyqty auyrlatatyn jaǵdaılar anyqtalǵan joq. Sot sheshímímen O.-ǵa 20 AEK, yaǵnı 78 640 teńge aıyppūl salyndy. Sot qaulysy ázírge zańdy kúshíne engen joq, - delíngen habarlamada.
Eske sala ketsek, dauly beınejazba áleumettík jelíde jarıyalandy. Áıel óz beınejazbasynda erekshe balalardyń dúnıege keluín "azǵyndyq" jáne ata-anasyna jíberílgen "jaza" dep aıtqan. Būl erekshe bala ósíríp otyrǵan ata-analardyń narazylyǵyn tudyrmaı qoımady.