Qazaqstanda respublıkalyq referendumǵa daıyndyq ayasynda dauys beru uchaskeleríníń barlyq azamatqa qoljetímdí boluyna erekshe nazar audarylyp otyr. Osy baǵyttaǵy jūmystardy pysyqtau maqsatynda Ortalyq referendum komıssıyasynyń múshelerí eldíń barlyq óńíríne ınspektsıyalyq saparlar jasap, uchaskelerdíń jabdyqtalu deńgeıín tekserdí, – dep habarlaıdy aqshamnews.kz tílshísí.
Qazaqstan Respublıkasy Ortalyq referendum komıssıyasynyń Tóraǵasy Nūrlan Ábdírovtíń aıtuy boıynsha dauys beru uchaskelerín zańnama talaptaryna tolyq saı ázírleu qajettígí, ásírese múgedektígí bar adamdar úshín qolaıly árí kedergísíz orta qalyptastyru máselesíne basymdyq berílude.
«Búgínde barlyq dauys beru uchaskelerínde múgedektígí bar azamattarǵa arnalǵan arnaıy būryshtar jabdyqtalǵan. Onda kompyuterler, úlkeıtkísh áınekter, qosymsha jaryq kózderí, dauys beru byulleteníne arnalǵan Braıl qarpíndegí trafaretter, sondaı-aq Konstıtutsıya jobasynyń memlekettík jáne orys tílderíndegí audıo nūsqalary qarastyrylǵan.
Sonymen qatar, uchaskeler pandustarmen, kíreberístegí taktıldí kórsetkíshtermen jáne ǵımarat íshíndegí taktıldí navıgatsıya qūraldarymen qamtamasyz etílgen. Al mūndaı jabdyqtar álí tolyq ornatylmaǵan nysandarda jergílíktí atqarushy organdar uaqytsha pandustar men taktıldí baǵyttaǵyshtardy ornalastyru jūmystaryn qolǵa alǵan. Būl múgedektígí bar adamdardyń dauys beru uchaskeleríne esh kedergísíz kíruíne múmkíndík beredí», - dedí Nūrlan Ábídrov.
Dauys beru kúní de qosymsha qoldau sharalary qarastyrylǵan. Atap aıtqanda, múgedektígí bar azamattar úshín ınvataksı qyzmetí men surdoaudarmashylardyń kómegí ūsynylady. Būl olardyń referendumǵa tolyqqandy qatysuyna jaǵdaı jasaudyń mańyzdy tetígí bolmaq.
«Komıssıya múshelerín dayarlau ísí de nazardan tys qalǵan joq. Uchaskelík komıssıyalardy qosa alǵanda, komıssıya múshelerí múgedektígí bar adamdardyń qūqyqtary men qajettílíkteríne qatysty arnaıy oqytudan óttí. Oqu barysynda qarym-qatynas ádebí, dūrys termınologıyany qoldanu jáne múgedektígí bar azamattardyń túrlí sanattarymen tıímdí jūmys ísteu erekshelíkterí keńínen túsíndíríldí», - dedí ORK Tóraǵasy.
Būdan bólek, elímízdíń úsh óńírínde – Aqtóbe, Qostanaı jáne Pavlodar oblystarynda pılottyq joba ayasynda múgedektígí bar adamdarǵa arnalǵan jańa ınnovatsıyalyq sheshímder engízílgen bír-bírden arnaıy dauys beru uchaskesí jūmys ísteıtín bolady.
Osylaısha, respublıkalyq referendumǵa daıyndyq barysynda ınklyuzıvtí orta qalyptastyruǵa baǵyttalǵan naqty sharalar qolǵa alynyp otyr. Būl ár azamattyń ózíníń konstıtutsıyalyq qūqyǵyn teń jaǵdaıda jáne qolaıly ortada júzege asyruyna múmkíndík beredí.
