Qazaqstanda respublıkalyq referendumǵa daıyndyq ayasynda komıssıya múshelerín kásíbı oqytu jūmystary júıelí túrde jalǵasyp jatyr. Búgínde būl úderíske el aumaǵyndaǵy aumaqtyq jáne uchaskelík referendum komıssıyalarynyń 71 030 ókílí tartylǵan dep habarlady Qazaqstan Respublıkasy Ortalyq referendum komıssıyasynyń hatshysy Shavhat Ótemísov, – dep habarlaıdy aqshamnews.kz tílshísí.
Onyń aıtuynsha, komıssıyalardyń jūmysyn bírízdendíru úshín Ortalyq referendum komıssıyasy arnaıy oqu-ádístemelík materıaldar ázírlengen. Sondaı-aq, óńírlerge ádístemelík qūraldar toptamasy men dauys beru kúníne arnalǵan rásímderdí túsíndíretín beınekurs joldanǵan. Onda dauys berudí ūıymdastyru tártíbí, komıssıyalardyń negízgí míndetterí men ís-qımyl algorıtmderí keńínen qamtylǵan.
«Daıyndyq kaskadtyq model negízínde júrgízílude. Barlyq deńgeıde komıssıya múshelerí aldymen «Qazaqstan Respublıkasyndaǵy saılau turaly» jáne «Qazaqstan Respublıkasyndaǵy respublıkalyq referendum turaly» Konstıtutsıyalyq zańdardyń negízgí normalary boıynsha kíríspe test tapsyrady. Būl tásíl olardyń bílím deńgeıín naqty baǵalap, oqytu jūmysyn maqsatty túrde ūıymdastyruǵa múmkíndík beredí», - dedí Sh.Ótemísov.
Oqytudyń alǵashqy kezeńínde Ortalyq referendum komıssıyasy aumaqtyq komıssıyalardyń tūraqty músheleríne arnalǵan respublıkalyq onlaın-semınar ótkízdí. Oǵan 821 adam qatysty. Semınar barysynda qūqyqtyq rásímder, komıssıya jūmysyn ūıymdastyru, aqparattyq súıemeldeu jáne referendumdy qarjylyq qamtamasyz etu máselelerí qaraldy.
ORK hatshysynyń sózínshe, óńírlík kezeńde aumaqtyq komıssıyalardyń bosatylǵan múshelerí 908 aumaqtyq komıssıya múshesín, sondaı-aq uchaskelík komıssıyalardyń tóraǵalary, tóraǵa orynbasarlary men hatshylaryn oqytqan.
«Baǵdarlama ayasynda tájírıbelík sabaqtarǵa da erekshe mán beríldí. Olar uchaskení daıyndau, referendumǵa qatysushylar tízímímen jūmys ísteu, dauys beru uchaskesín ashu, dauys berudí ótkízu jáne qorytyndy shyǵaru sıyaqty negízgí kezeńderdí qamtydy. Praktıkalyq tapsyrmalar naqty jaǵdaılardy úlgíleu arqyly júrgízílíp, túrlí áreket nūsqalary men qūqyqtyq sheshímder pysyqtaldy. Osy kezeńde 31 233 uchaskelík komıssıya basshylyǵynyń ókílí oqudan óttí», - dedí ol.
Qazír oqytudyń úshínshí kezeńí júríp jatyr. Aumaqtyq komıssıyalardyń qoldauymen uchaskelík komıssıyalar qalǵan 38 068 múshení dayarlauda. Būl kezeńdí 13 nauryzǵa deıín ayaqtau josparlanǵan.
Sonymen qatar, referendumnyń ashyqtyǵy men jarıyalylyǵyn qamtamasyz etu maqsatynda Qazaqstan Respublıkasy Prezıdentí janyndaǵy Memlekettík basqaru akademıyasynyń Elektoraldyq oqytu ortalyǵynda arnaıy onlaın-semınar ūıymdastyryldy. Oǵan akkredıttelgen qoǵamdyq bírlestíkterdíń, kommertsıyalyq emes ūıymdardyń jáne būqaralyq aqparat qūraldarynyń ókílderí qatysty. Semınarǵa 500-den astam adam qatysqan.
Osylaısha, Qazaqstanda referendumǵa daıyndyq ayasyndaǵy oqytu jūmystary keń auqymda, kezeń-kezeńímen jáne tájírıbege negízdelgen formatta júzege asyryluda.
