QMA Astana qalasy boıynsha departamentí «Sirius Energy» qarjy pıramıdasynyń qūrylymdyq bólímshesín basqaru faktísí boıynsha tergeu júrgízíp jatyr, – dep habarlaıdy aqshamnews.kz tílshísí.
Ūıymdastyrushy ózín chılılík "Sirius Energy" kompanıyasynyń ókílí retínde tanystyryp, azamattardy jańartylatyn energıya kózderí salasyndaǵy joǵary tabys ákeletín jobalarǵa ınvestıtsıya saluǵa úgíttegen.
Qarajat tek USDT krıptovalyutasy arqyly qabyldanyp, keıín qatysushylarǵa shartty bonustar kórsetíletín jeke kabınetter ashylǵan.
Salymshylardy tartu maqsatynda kúdíktí Almaty jáne Astana qalalarynda keńse ashyp, tūraqty túrde trenıngter ótkízgen.
Sonymen qatar Instagram jáne TikTok áleumettík jelílerí arqyly belsendí jarnama júrgízíp, zańdy qyzmet atqaryp otyrǵandaı áser qalyptastyru úshín úshínshí tūlǵanyń atyna JShS tírkegen. Alaıda ís júzínde eshqandaı qyzmet kórsetílmegen.
Saldarynan 380 azamat qarjy pıramıdasynyń qūrbanyna aınalǵan.
Jábírlenushílerdíń bírí ūıymdastyrushynyń joǵary tabys turaly uádesíne seníp, jobaǵa ınvestıtsıya salu úshín 3 mln teńge kólemínde nesıe rásímdegen.
Alaıda eshqandaı tólem jasalmaǵan, endí ol nesıení paıyzymen bírge óz qarajatynan óteuge májbúr.
Sot sanktsıyasymen ūıymdastyrushynyń bank shottaryna tyıym salyndy.
Tergeu múddesíne baılanysty ózge aqparat jarıyalanbaıdy.
