Astana polıtsıyasy áleumettík jelíde múmkíndígí shekteulí balalardyń ata-analaryn qorlaǵan blogerdí ūstady.
Ūsaq būzaqylyq faktísí boıynsha ákímshílík ís qozǵaldy jáne materıaldardy sotqa joldauǵa daıyndap jatyr, - dep habarlaıdy Aqshamnews.kz.
Eske sala ketsek, dauly beınejazba áleumettík jelíde jarıyalandy. Áıel óz beınejazbasynda erekshe balalardyń dúnıege keluín «azǵyndyq» jáne ata-anasyna jíberílgen «jaza» dep aıtqan. Būl erekshe bala ósíríp otyrǵan ata-analardyń narazylyǵyn tudyrdy.
Balalar qūqyqtary jóníndegí uákíl Dınara Zákıeva vıdeoǵa qatysty Íshkí íster mınıstrlígíne qūqyqtyq baǵa berudí sūrap, ótínísh jíbergen.
Astana qalalyq polıtsıya departamentíníń baspasóz qyzmetí oqıǵaǵa qatysty túsíník berdí.
- Blogerdíń erekshe balalardyń ata-analaryna qatysty ádepsíz jáne qorlaıtyn sózderí bar beınejazbany ınternet keńístígínde taratu faktísí boıynsha ákímshílík ís qozǵaldy. Jarıyalanym avtory ūstalyp, polıtsıya bólímíne jetkízíldí. Ūsaq būzaqylyq faktísí boıynsha materıaldar jınaldy, olar sheshím qabyldau úshín sotqa jíberíledí, - dep habarlady polıtsıya.
Astana qalasy polıtsıya departamentí ınternette qorlaıtyn materıaldardy taratqan adam qoldanystaǵy zańnamaǵa sáıkes jazalanatynyn eske saldy.