Májílís deputattary brıfıngte būralqy ıtter máselesíne baılanysty januar ıeleríníń jauapkershílígí men baqylau tetíkterí qalaı júzege asyrylatynyn túsíndírdí, – dep habarlaıdy aqshamnews.kz tílshísí.
Májílíste ótken brıfıngte deputattar būralqy ıtterge qatysty jańa normalar ayasynda januar ıeleríne qoıylatyn talaptar men baqylau sharalary turaly aıtty.
Májílís deputaty, «AMANAT» partıyasy fraktsıyasynyń múshesí Erbolat Satybaldynyń sózínshe, qoldanystaǵy zańnamada «bos júrgen ıt» degen ūǵym bar.
Onyń aıtuynsha, eger ıttíń ıesí bolsa, januarǵa míndettí túrde tūmyldyryq taǵylyp, ıesí ony jetekpen nemese qauípsíz jerde ǵana seruendetuge tıís. Al ózge jaǵdaılarda ıt arnaıy qauípsíz orynda ūstaluy kerek. Eger ıt kóshede bos júrse, ony uaqytsha ūstau punktíne aparyp, ary qaraı mártebesí anyqtalady. Ittíń ıesí belgílí bolsa, oǵan ákímshílík shara qoldanylady.
Al «AMANAT» partıyasy fraktsıyasynyń múshesí Edíl Jańbyrshın zań boıynsha shara naqty agressıya baıqalǵan jaǵdaıda qabyldanatynyn atap óttí.
Onyń sózínshe, januar ıeleríníń jauapkershílígín kúsheıtu úshín barlyq ıt pen mysyqty míndettí túrde chıpteu ūsynylǵan. Chıptíń bar-joǵyn baqylau jáne monıtorıng júıesí arqyly tekseru kózdelíp otyr. Būl qūzyret jergílíktí atqarushy organdar men uchaskelík polıtseılerge beríledí.
Deputattyń aıtuynsha, tekseru tek kóshede emes, tíkeleı úı jaǵdaıynda da júrgízíluí múmkín. Yaǵnı, januardyń bar-joǵy jáne oǵan chıp salynǵan-salynbaǵany anyqtalady. Eger chıp bolmasa, ıesíne bír aı uaqyt beríledí. Osy merzím íshínde talap oryndalmasa, aıyppūl salynady.
Al qaıta tekseru kezínde de chıp ornatylmaǵany anyqtalsa, mūndaı januar ıesíz dep tanylyp, būralqy retínde konfıskatsıyalanuy múmkín.
Osylaısha, deputattardyń aıtuynsha, jańa tásíl bír jaǵynan januar ıeleríníń jauapkershílígín arttyrsa, ekínshí jaǵynan baqylau tetíkterín kúsheıtuge múmkíndík beredí.