Daıyn qūjattardy HQO-dan ózíńízge yńǵaıly uaqytta alu úshín postamat qyzmetín paıdalanuǵa bolady, dep habarlaıdy Aqshamnews.kz.
Būl turaly Azamattarǵa arnalǵan úkímet málímdedí.
Būl servıs táulík boıy jūmys ísteıdí jáne demalys pen mereke kúnderí de qoljetímdí.
- Postamattar jańartylǵan HQKO ǵımarattarynda, táulík boıy ashyq aımaqtarda ornalasqan. Qūjat daıyn bolǵan kezde azamat ony mamanǵa júgínbeı-aq, postamattaǵy jeke ūyashyqtan ózí alyp kete alady. Qyzmettí rásímdeu kezínde HQKO-da ótínísh bergende daıyn qūjatty alu tásílí retínde postamatty tańdau qajet. Qūjat postamatqa ornalastyrylǵannan keıín azamattyń telefon nómíríne SMS-habarlama jíberíledí. Habarlamada ūyashyqty ashuǵa arnalǵan jeke kod kórsetíledí. Sonymen qatar bıometrıyalyq sáıkestendíruden ótu qarastyrylǵan, - dep jazylǵan aqparatta.
Daıyn qūjatty úsh kún íshínde alyp ketuge bolady. Eger osy merzímde alynbasa, qūjat HQKO mamany arqyly ádettegí tártíppen beríledí.
Qazírgí tańda postamattar elímízdíń 10 óńírínde ornatylǵan. Jalpy sany 14 qūrylǵy jūmys ísteıdí. Olar arqyly memlekettík qyzmetterdíń 19 túrí boıynsha daıyn nátıjelerdí aluǵa bolady. 2026 jyly būl qyzmettíń qūny 518 teńgení qūraıdy.
2025 jyldyń qorytyndysy boıynsha postamat qyzmetín eń kóp paıdalanǵan qalalar – Semeı, Taraz jáne Túrkístan.
