Túrkıyada balalardy ǵalamtordyń zıyandy áserínen qorǵauǵa baǵyttalǵan jańa erejeler ázírleníp jatyr, dep habarlaıdy Aqshamnews.kz tílshísí.
Zańnamalyq túzetuler qabyldanǵannan keıín kámeletke tolmaǵandardyń áleumettík jelílerdí qoldanuyna qatań shekteu engízíluí múmkín.
Bastamaǵa sáıkes, 15 jasqa tolmaǵan balalarǵa ata-anasynyń rūqsatyn alsa da áleumettík jelíde akkaunt ashuǵa tyıym salynady. Būl jastaǵylarǵa tek óz jasyna saı onlaın oıyndar men tsıfrlyq platformalarǵa qol jetkízuge rūqsat etíledí.
Sonymen bírge áleumettík jelí platformalaryna balalar qauípsízdígín kúsheıtu, ınternetke táueldílíktíń aldyn alu tetíkterín íske qosu míndettelmek. Oıyndarǵa tolyq tyıym salynbaıdy, alaıda naqty jas reıtıngí júıesí engízílíp, ár bala tek óz jasyna saı kontenttí paıdalana alady.
Taǵy bír talap – jasty tekseru júıesín engízu. Qoldanushylardyń jasyn anyqtau rásímderí arnaıy erejelermen bekítílíp, jasyna sáıkes emes kontentke qoljetímdílík shekteledí. Būǵan qosa ata-analardyń balalardyń tsıfrlyq ortadaǵy áreketín baqylau qūqyǵy keńeıíp, zıyandy mazmūn turaly jedel shaǵym túsíruge arnalǵan elektrondy júıe qūrylmaq.
Aıta keteıík, Qazaqstanda da 16 jasqa deıín jasóspírímderge áleumettík jelíde tírkeluge shekteu qoyu máselesí qarastyrylyp jatyr. Būl ūsynys onlaın-platformalar men BAQ qyzmetín retteıtín zań jobasynda qamtylyp, qūjat saraptamadan ótíp, qoǵamdyq talqylauǵa shyǵarylǵan.
