Memleket basshysy jaqynda qol qoıǵan zańǵa sáıkes, balalar lagerleríníń qyzmetí 2026 jylǵy 1 sáuírden bastap lıtsenzıyalanady, dep habarlaıdy aqshamnews.kz Oqu-aǵartu mınıstrlígíníń málímetíne sílteme jasap.
Memleket basshysy "Qazaqstan Respublıkasynyń keıbír zańnamalyq aktíleríne tarıhı-mádenı mūra obektílerín qorǵau jáne bílím beru-sauyqtyru qyzmetterí máselelerí boıynsha ózgeríster men tolyqtyrular engízu turaly" Qazaqstan Respublıkasynyń Zańyna qol qoıdy.
Komıtet málímetínshe, qabyldanǵan túzetuler balalarǵa arnalǵan qosymsha bílím berudí damytuǵa baǵyttalǵan jáne bílím beru-sauyqtyru qyzmetterín kórsetetín jyl boıy jáne mausymdyq statsıonarlyq balalar lagerleríníń qyzmetíne qatysty.
"2026 jyldan bastap qosymsha bílím beru ūıymdary ekí sanatqa bólínedí. Bírínshí sanat – qyzmetí lıtsenzıyalauǵa jatatyn bílím beru-sauyqtyru qyzmetterín kórsetetín ūıymdar. Ekínshí sanat – habarlamalyq tártíppen jūmys ísteıtín qosymsha bílím beru ūıymdary. Mūndaı tásíl salany retteudí jeńíldetuge árí kórsetíletín qyzmetterdíń sapasy men senímdílígín arttyruǵa múmkíndík beredí. Balalardyń qauípsízdígí men qyzmet sapasyn qamtamasyz etu maqsatynda balalar lagerleríníń qyzmetí 2026 jylǵy 1 sáuírden bastap lıtsenzıyalanady. Būl balalardyń demalysy, oquy jáne sauyqtyruy úshín qoıylatyn bíryńǵaı talaptardy belgíleuge múmkíndík beredí", - deıdí komıtet ókílderí.
Jańa zańǵa sáıkes lıtsenzıyanyń qoldanylu merzímí bír jyldan bes jylǵa deıín ūzartyldy. Būl ūıymdarǵa túsetín ákímshílík júktemení azaıtyp, qūjattardy jyl saıyn qaıta rásímdeu qajettílígín boldyrmaıdy. Lıtsenzıyanyń bes jylǵa beríluí ūıymdardyń qyzmetíníń tūraqtylyǵy men memlekettík baqylaudy júıelí túrde júzege asyru arasyndaǵy tepe-teńdíktí qamtamasyz etedí.
Qabyldanǵan sharalar balalardyń demalysy, oquy jáne sauyqtyruy úshín qauípsíz árí sapaly jaǵdaılar jasauǵa, sondaı-aq elímízde bílím beru-sauyqtyru qyzmetterín kórsetudíń bíryńǵaı standartyn qalyptastyruǵa baǵyttalǵan.
Qazírgí tańda qosymsha bílím beru júıesí ūıymdarynyń qyzmetín retteıtín tıístí normatıvtík qūqyqtyq aktílerge ózgeríster men tolyqtyrular engízu jūmystary júríp jatyr.