Názik jandylar halyqtyń 51,2%-yn quraıdy.
Olardyń naqty sany 10 183 785 bolǵan, dep habarlaıdy Almaty-akshamy.kz
Ulttyq statısıka búrosynyń 2023 jyldyń 14 qarashasyndaǵy málimeti boıynsha Qazaqstan halqynyń sany 20 mıllıon adam boldy.
"Halyqtyń derekter bazasynyń kórsetkishteri boıynsha 2023 jyldyń 14 qarashasynda tańǵy saǵat 08.10-da týǵan 5 bala elimizdiń 20 mıllıonynshy halqyn qurady", - dep naqtylady vedomstvodaǵylar.
Bul bes náreste Atyraý, Aqmola, Jetisý, Túrkistan, Ulytaý oblystarynda dúnıege keldi. Olar - 3 ul jáne 2 qyz.
Statısıka mamandary tamyz aıynda Qazaqstan halqynyń 51,2%-yn áıelder quraǵanyn málimdedi – olardyń naqty sany 10 183 785 bolǵan. Qalǵan 48,8% nemese 9 715 592 azamat – er adamdar.
Ónerkásip jáne qurylys mınıstrliginiń málimeti boıynsha, Qazaqstanda bıznestegi áıelder shaǵyn jáne orta bıznes sektoryndaǵy jumys oryndarynyń 31%-yn jáne Qazaqstannyń JİÓ-niń 14,6%-yn qamtamasyz etedi.
"Azıa damý bankiniń elderdi baǵalaýy boıynsha Qazaqstan gender jáne damý salasyndaǵy negizgi kórsetkishter boıynsha joǵary orynda jáne erler men áıelder arasyndaǵy teńdik deńgeıi joǵary 1-shi topqa kiredi", - deıdi vedomstvodaǵylar.
Bul rette bank Qazaqstanda áıelderdiń eńbek naryǵyndaǵy belsendiliginiń turaqty deńgeıin saqtap otyrǵanyn málimdedi.
"2022 jyly "Genderlik aıyrmashylyq reıtıńi" boıynsha Qazaqstan genderlik damý salasyndaǵy sátti reformalardyń arqasynda 15 orynǵa joǵary kóterilip, 146 eldiń ishinde 65 orynǵa ıe boldy", - dedi ónerkásip jáne qurylys vıse-mınıstri Dınara Sheglova.
Qazaqstannyń eńbek jáne halyqty áleýmettik qorǵaý mınıstrligi respýblıkada 4,3 mıllıon áıel jumyspen qamtylǵanyn, bul jalpy jumyspen qamtylǵan halyqtyń 48%-yn quraıtynyn anyqtady. Áıelderdiń 35%-y saýda jáne qyzmet kórsetý salalarynda, 32%-y bilim, densaýlyq saqtaý jáne ǵylym salalarynda, 14%-y ónerkásip, qurylys jáne kólik salalarynda, 9%-dan astamy aýyl sharýashylyǵynda jumys isteıdi.