QR ÍÍM Ūlttyq ūlany tarıhynda sırek kezdesetín erekshe oqıǵa būl joly Taraz qalasynda tírkeldí. «Ońtústík» óńírlík qolbasshylyǵyna qarasty 5513 áskerı bólímínde bír mezette tórt egíz jūp sarbazdyń qatar qyzmet etíp jatyr.
Būl - bıylǵy jyldyń ózínde qūqyqtyq tártíp áskerínde ekínshí ret oryn alyp otyrǵan erekshe jaıt.
Áskerge shaqyru kezínde sarbazdardyń egíz ekení anyqtalǵan sátten bastap, Ūlttyq ūlannyń áskerı bólím qolbasshylyǵy olardy bír-bírínen ajyratpaı, qatar qyzmet etuíne jaǵdaı jasaıdy. Būl sheshím tek tūrmystyq qolaılylyq emes, áskerı ortadaǵy psıhologıyalyq tūraqtylyq pen ózara qoldaudy nyǵaıtudyń tıímdí úlgísí retínde baǵalanady.
Ūlttyq ūlan qataryna byltyr Almaty oblysynan shaqyrtylǵan 22 jastaǵy Dıas pen Ilıyas Tólepbergender búgínde Otan aldyndaǵy boryshyn abyroımen ótep júr. Egízderdíń bírí — Dıas «Sarbaz 2.0» baǵdarlamasy ayasynda joǵary oqu ornynda tegín bílím alu múmkíndígíne ıe bolyp, áskerı qyzmet pen bolashaq kásíbı damu jolyn ūshtastyra bíldí.
Al 19 jastaǵy Elhan men Elshan Nurıevter úshín áskerı qyzmet sporttaǵy jetístíkterín jańa deńgeıge kóterudíń alańyna aınaldy. Olar áskerge deıín de, ásker qatarynda da armrestlıng sport túrínen úzdíkter qatarynan kóríníp keledí.
Túrkístan oblysynan shaqyrtylǵan 19 jastaǵy Nūrsūltan men Ersūltan Berkíshovtar egíz bolǵanymen, syrtqy kelbetí men mínez-qūlqy bír-bíríne qatty ūqsamaıtyn erekshe jūp. Alaıda qyzmetke degen jauapkershílík pen tártípke adaldyq olardy bír maqsatta toǵystyrady.
Shymkenttík Aman men Esen Qonar - kópbalaly otbasynyń úlkenderí. Olardyń artynan ergen ekí ūl men tórt qyz bar. Búgínde egíz sarbazdar №58 túzeu mekemesínde qarauyldyq qyzmet atqaryp, otbasyna úlgí bolumen qatar, el qauípsízdígín qamtamasyz etuge óz úlesterín qosyp júr.
Ūlttyq ūlan sapynda bír mezette bírneshe egíz jūptyń qyzmet etuí — būl áskerı qūrylymdaǵy adamgershílík, bauyrmaldyq pen áskerı tártíptíń úılesímdí kórínísí. Mūndaı sırek jaıttar áskerı qyzmettíń tek qatań talaptarǵa emes, ruhanı tūtastyqqa da negízdeletínín aıqyn dáleldeıdí.
