Būl másele elímízdíń ońtústík óńírlerí úshín asa mańyzdy, óıtkení olarǵa barlyq suarmaly sudyń 97%-y tıesílí.
Ekologıya mınıstrí Maǵzūm Myrzaǵalıev eldegí egístík alqaptaryn suaruǵa qatysty kúrdelí jaǵdaı turaly aıtty, dep habarlaıdy Almaty-akshamy.kz QR Ekologıya, geologıya jáne tabıǵı resurstar mınıstrlígíníń baspasóz qyzmetíne sílteme jasaı otyryp.
Būl másele elímízdíń ońtústík óńírlerí úshín asa mańyzdy, óıtkení olarǵa barlyq suarmaly sudyń 97%-y tıesílí. Mūnda bıyl su azdyǵy baıqalady.
Almaty oblysy Íle Alatauynyń ońtústík betkeıíndegí ózen basseınderínde jauyn-shashyn normadan 39 paıyzǵa az, al shaǵyn jáne orta su qoımalarynyń tolymdylyǵy vegetatsıyalyq kezeńníń basynda 75-80%-dy qūrady.
Jambyl oblysy Shu jáne Talas ózenderíníń basseınderínde su deńgeıí 20-25%-ǵa tómen. Sebebí būl ózenderdíń búkíl aǵyny Qyrǵyzstan aumaǵynda qalyptasady, ol jaqta da su az bolǵandyqtan, memleketaralyq su obektílerí boıynsha kelísílgen kólemdí alu qıyndady.
Túrkístan men Qyzylorda oblystarynda Syrdarıya ózeníníń su deńgeıí Toqtaǵūl su qoımasynyń toluyna baılanysty.
Túrkístan jáne Qyzylorda oblystarynda Syrdarıya ózeníndegí su deńgeıí Toqtoǵūl su qoımasynyń toltyryluyna baılanysty. Maǵzūm Myrzaǵalıevtíń aıtuynsha, bıyl būl su qoımasynyń kólemí sońǵy 5 jyldaǵy eń tómen kórsetkíshtí kórsettí. Norma 15 mlrd.m3 bolsa, bıyl 1 sáuírdegí jaǵdaı boıynsha, tolymdylyǵy tek 8,7 mlrd. m3 qūrady. Sondaı-aq Arys ózeníníń aǵyny normadan 73%-ǵa jáne tau ózenderíníń ortasha aǵyny - 25%-ǵa tómen.
Mūnda jaǵdaıdy jeńíldetu úshín «Qazsushar» RMK gıdrotehnıkalyq jáne ūıymdastyru sharalaryn qabyldaıdy.
Syrdarıya ózeníndegí su deńgeıíníń tómendígí sudy kóp qajet etetín kúrísh alqaptary ornalasqan Qyzylorda oblysynda suarudy qıyndatyp otyr. Mūndaǵy jaǵdaıdy jaqsartu úshín «Qazsushar» RMK gıdrotehnıkalyq jáne ūıymdastyru sharalaryn qabyldaıdy.
Bıylǵy jyly josparlanǵan egís kólemí 440 myń gektardy qūraıtyn Túrkístan oblysynda suaruǵa qajettí sudyń 85%-y Ózbekstan aumaǵynan keledí. Sondyqtan mūndaǵy jaǵdaı Dostyq, Zah, Hanym memleketaralyq kanaldary arqyly Syrdarıya ózeníne qūıylatyn sudyń kólemíne baılanysty. Shardara su qoımasynyń kólemí ótken jylmen salystyrǵanda, bıyl 550 mln.m3 az ekenín eskeru qajet, - deıdí mınıstr.
Sonymen qatar, Dostyq kanalynan suǵaru boıynsha ótínímder kóbeıgen, óıtkení kúrísh egu alqaby 2 esege ūlǵaıdy. 2 myń ga ornyna 4,7 myń ga egíldí, būl óz kezegínde qosymsha 100 mln.m3 sudy qajet etedí. Sondyqtan mamyr aıynda Shardara su qoımasynan mashınalyq su beru arnasy íske qosyldy. Sondaı-aq 14 drenajdy ūńǵyma jáne 3 sorǵy tartyldy.
Mınıstr Almaty oblysynda 2020 jyly Qapshaǵaı su qoımasy boıynsha kúrdelí jaǵdaı qaıtalanuy múmkín ekenín eskerttí. Osyǵan baılanysty oblys ákímdígíne tıístí sharalar qabyldau mańyzdy, - deıdí Maǵzūm Myrzaǵalıev.
Mınıstrdíń aıtuynsha, jalpy sumen qamtamasyz etu boıynsha jaǵdaı mınıstrlíktíń baqylauynda. Su tapshylyǵy saldaryn barynsha jeńíldetu úshín barlyq qajettí sharalar qabyldanyp jatyr.
Máselen, Qazaqstan Qyrǵyzstanmen Toqtoǵūl su qoımasynan jaz aılarynda qosymsha 330 mln.m3 su alu turaly kelísímge qol jetkízdí. Būdan bólek «Bahrı Tochık» (Tájíkstan) su qoımasynan Qazaqstanǵa qosymsha 315 mln.m3 kólemínde su jíberu turaly uaǵdalastyq bar.
Sondaı-aq, Ekologıya mınıstrlígí Auyl sharuashylyǵy mınıstrlígímen bírlesíp, aqpan-nauryz aılarynda óńírlerge sudyń az bolatyny turaly eskerttí. Sudy kóp qajet etetín daqyldardy azaıtudy, sondaı-aq osy jaǵdaıdy eskere otyryp kóktem-jazǵa daıyndaludy ūsyndy.
«Būl rette ákímdíkterge su deńgeıíníń tómendígí jáne qabyldanǵan sharalar turaly sharualarǵa auqymdy aqparattyq-túsíndíru jūmystaryn júrgízu mańyzdy. Jergílíktí bılík «Qazsushar» RMK fılıaldarymen bírlesíp, su berudíń onkúndík jedel kestesíne sáıkes josparly táulík boıy su paıdalanudy íske qosuy kerek», - dedí Maǵzūm Myrzaǵalıev.