Álemge tanymal qazaqstandyq ánshi Dımash Qudaıbergen aqyn, Eńbek Eri Muhtar Shahanovtyń shańyraǵyna arnaıy baryp, ulynyń qazasyna kóńil aıtty. Bul týraly qoǵam belsendisi Berik Aǵybaev áleýmettik jelidegi jazbasynda málimdedi, - dep habarlaıdy Aqshamnews.kz tilshisi.
Onyń aıtýynsha, Dımash qaıǵyǵa ortaqtasyp, aýyr kúnde Shahanovtar áýletine baryp, quran baǵyshtaǵan.
«Dımashtyń arnaıy kelip, kóńil aıtýy – aǵamyzdyń qaıǵysyn bólisip, demeý bolǵany azamattyq qadam», – dep jazdy Berik Aǵybaev.
Qazirgi tańda Muhtar Shahanovtyń otbasyna eldiń ár óńirinen tanymal tulǵalar men oqyrmandar da kóńil bildirip jatyr.
Eske salaıyq, aqynnyń uly Qýanysh Muhtaruly 2025 jylǵy 6 qarashada ómirden ótken edi.