Almatydaǵy Duman shaǵynaudanynda ūlttyq kıím kıgen aǵa buyn ókílderí dauys beruge keldí, – dep habarlaıdy aqshamnews.kz tílshísí.
Almatynyń Medeu audanyndaǵy Duman shaǵynaudanynda referendum uchaskesíne ūlttyq kıím kıgen aǵa buyn ókílderí keldí. Olardyń qatarynda «Duman sazy» halyq ansamblíníń qatysushylary da bar.
Egde jastaǵy tūrǵyndar jarqyn ūlttyq kıímderímen dauys berushílerdíń nazaryn audaryp, uchaskede erekshe atmosfera qalyptastyrdy.
Olardyń aıtuynsha, referendumǵa qatysu – óz ūstanymyn bíldíríp, el ómíríndegí mańyzdy oqıǵalardan shet qalmaudyń bír múmkíndígí.
Jalpy Medeu audanynda dauys beru belsendí ótíp jatyr – túrlí jastaǵy tūrǵyndar referendum uchaskeleríne kelíp, óz tańdaularyn jasap jatyr.