«Almaty Su» MKK ūjymy konstıtutsıyalyq reforma máselelerí boıynsha ótken respublıkalyq referendumǵa joǵary qyzyǵushylyq tanytty. Tańǵy saǵat 9:30-ǵa deıín qyzmetkerler men olardyń otbasy músheleríníń 47%-dan astamy dauys beríp úlgerdí, – dep habarlaıdy aqshamnews.kz tílshísí.
Kásíporyn táulík boıy sumen jabdyqtau jáne su būru qyzmetín qamtamasyz etetíndíkten, dauys beru kúní qyzmetkerlerdíń bír bólígí kezekshílíkte boldy. Máselen, Jasūlan Kerímníń jetekshílígíndegí apattyq brıgada jelílerdí tekseru arasyndaǵy uaqytty paıdalanyp, saılau uchaskeleríne baryp dauys berdí. Al Almaty oblysynda tírkelgen keıbír slesarlar Almaty qalasynda tírkeuden shyǵaru kuálíkterí arqyly dauys berdí.
«Almaty Su» ǵımaratynda ornalasqan uchaskede alǵashqy kelgen azamattarǵa estelík syılyqtar tabystaldy. Qyzmetkerlerdíń aıtuynsha, referendumǵa qatysu — mańyzdy azamattyq míndet árí eldíń damuyna óz úlesín qosudyń bír joly.