Respublıkalyq referendum ótetín kúní «AMANAT» partıyasy qaladaǵy barlyq uchaskede dauys beru barysyn baqylaıdy, – dep habarlaıdy aqshamnews.kz tílshísí.
Almatyda barlyǵy 653 referendum uchaskesí jūmys ísteıdí. Partıya dál osynsha baqylaushy jíbergen. Osylaısha ár uchaskede «AMANAT» partıyasynyń bír ókílí qatysyp otyr.
Almaty qalalyq partıya fılıalynyń ókílderíníń aıtuynsha, baqylaushylardyń qatarynda partıyanyń belsendí múshelerí men qoǵamdyq baqylauǵa qatysyp jatqan qala tūrǵyndary bar.
Kúní boıy baqylaushylar uchaskelerde bolyp, dauys beru barysyn qadaǵalap, uchaskelík komıssıyalarmen ózara jūmys júrgízedí. Olardyń bír bólígí dauys beru barysy turaly aqparatty áleumettík jelílerde de bólísíp otyr.
Baqylaushylardyń málímetínshe, Almatydaǵy referendum uchaskelerínde tynysh árí jūmysqa baǵyttalǵan ahual saqtalyp, dauys beru ūıymdasqan túrde ótíp jatyr.
Partıya ókílderíníń aıtuynsha, qoǵamdyq baqylau ınstıtuty saılau barysynyń ashyqtyǵyn qamtamasyz etude mańyzdy ról atqarady. Baqylaushylar dauys beru ayaqtalyp, qorytyndy shyqqanǵa deıín uchaskedegí jūmysyn jalǵastyrady.