Jańa Konstıtutsıya memlekettíń áleumettík saladaǵy jauapkershílígín kúsheıtedí, dep habarlaıdy aqshamnews.kz tílshísí.
Qazaqstannyń densaulyq saqtau júıesí qarjylandyru kólemín baǵalaudan patsıenttíń ózí sezínetín naqty kórsetkíshterge – medıtsınalyq kómektí qanshalyqty jyldam alatynyna, tekseruler men dárí-dármekterdíń qoljetímdílígíne kóshuí kerek.
Mūndaı píkírdí «Sarap» sarapshylar klubynyń otyrysynda densaulyq saqtau salasynyń sarapshysy, dáríger-anestezıolog Jannūr Qalıǵojın aıtty.
Sarapshynyń aıtuynsha, jańa Konstıtutsıya memlekettíń áleumettík saladaǵy jauapkershílígín kúsheıtedí. Būl rette jańa sayası model úshín negízgí máselelerdíń bírí – bekítílgen kepíldíkterdíń azamattardyń ómír súru sapasyna qalaı áser etetíní.
Qalıǵojın elímízde densaulyq saqtau júıesí bírshama tūraqty qalyptasqanyn atap óttí. Tegín medıtsınalyq kómektíń kepíldík berílgen kólemí bar, emhanalyq medıtsınalyq qyzmet damyǵan, joǵary tehnologıyalyq medıtsınalyq kómektíń keń auqymy qoljetímdí.
Alaıda onyń píkírínshe, damudyń kelesí kezeńínde júıení odan árí keńeıtuden górí onyń sapasyna kóbírek kóńíl bólu qajet.
Meníń oıymsha, qazír densaulyq saqtau sapasy turaly másele kóteretín uaqyt keldí. Óıtkení halyq úshín densaulyq saqtau salasyna byudjetten qansha qarajat bólíngenín bílu jáne túsínu sonshalyqty mańyzdy emes. Adam densaulyq saqtau júıesínen naqty ne alatynyn túsínuí kerek, – dedí Jannūr Qalıǵojın.
Sarapshy patsıent úshín reformalardyń tıímdílígí naqty dúnıelermen ólshenetínín túsíndírdí. Yaǵnı dárígerge der kezínde qaralu, qajettí tekseruden ótu jáne tıístí dárí-dármekterdí alu múmkíndígí mańyzdy.
Yaǵnı adam kepíldík berílgen kómektí qanshalyqty jyldam ala alady, qajettí tekseruden der kezínde óte ala ma, memleket uáde etken dárí-dármekterdí ala ma – másele osynda. Adam barlyq reformany, negízínen, osy kórsetkíshter arqyly baǵalaıdy, – dep atap óttí ol.
Qalıǵojınníń aıtuynsha, dál osy ómír súru sapasy qazírgí elektoraldyq kún tártíbíníń negízgí baǵdarlarynyń bíríne aınaluy tıís.
Ol sondaı-aq Qūryltaıdyń jańa qūramynda konstıtutsıyalyq kepíldíkterdí azamattardyń kúndelíktí ómíríne tíkeleı áser etetín naqty árí ólshenetín kórsetkíshterge aınaldyru múmkíndígí bar ekenín atap óttí.