Búgín - QR Memlekettík syılyǵynyń ıegerí, Qazaqstannyń halyq ártísí Eskendír Hasanǵalıevtíń tuǵan kúní. Qazaq muzyka óneríníń maıtalmany 86 jasqa tolar edí, - dep habarlaıdy Sn.kz aqparat portaly.
Eske salaıyq, tanymal ánshí, kompozıtor, Memlekettík syılyqtyń laureaty, "Qūrmet", "Otan" ordeníníń, "Platınaly Tarlan" syılyǵynyń ıegerí Eskendír Hasanǵalıev 2021 jyly sáuírde 81 jasynda dúnıeden ozdy. Qaraly habardy Mádenıet jáne sport vıtse-mınıstrí Nūrqısa Dáueshov jetkízdí.
Eskendír Hasanǵalıev turaly ne belgílí?
Eskendír Ótegenūly Hasanǵalıev 1940 jyly 13 aqpanda Batys Qazaqstan oblysynda tuǵan.
1959 jyly Qūrmanǵazy atyndaǵy Almaty memlekettik konservatorıyasynyń vokaldy-hor fakultetin, 1978 jyly Ál-Farabı atyndaǵy Shymkent mádenıet ınstıtutyn bítírdí.
Qońyr dauysynyń arqasynda kóp jyldar boıy halyq ánderín oryndap, radıo men teledıdardyń solısí boldy. Eskendír Hasanǵalıev ózíníń alǵashqy "Anaǵa sálem" ánín 1961 jyly jazdy.
Qadyr Myrzalıevtíń sózíne jazylǵan "Atameken" ("Ákeler jerí") patrıottyq ání 1970 jyly Qazaq KSR-níń 50-jyldyǵyna arnalyp jazylyp, keń tanymaldylyqqa ıe boldy.
Ómírín ónerge arnaǵan Hasanǵalıevtíń "Atameken", "Ádemí", "Asyl arman", "Ómírímníń jazy", "Eskírmegen mahabbat" ánderín bílmeıtín qazaq joq.
Óner ıesí 200-ge juyq án, romans jáne horǵa arnalǵan shyǵarmalardyń avtory.
Onyń birneshe án jınaǵy jaryq kórdi. Xasanǵalıev ánderiniń taqyryby san aluan. Ol qazaq, orys, tatar, nemis aqyndarynyń tuǵan el, eńbek, jastyq shaq, mahabbat taqyrybyndaǵy óleńderine kóptegen án jazdy. Hasanǵalıev gastroldik saparmen Mońǵolıya (1975), Bolgarıya (1982), Yugoslavıya (1968), Aljır (1969), Sırıya men Lıvan (1973), Shvetsıya jáne Fınlyandıya (1970), t.b. elderde boldy. Qazaqstan Komsomoly syılyǵynyń ıegeri (1970). Qazaq KSR halyq ártísi (1984).
Marapattary:
Qazaqstannyń halyq ártísí, QR Memlekettík syılyǵynyń, "Qūrmet", "Otan" ordenderíníń ıegerí. "Platındy Tarlan" syılyǵynyń laureaty, "QR Táuelsízdígíne 20 jyl medalí", "QR Táuelsízdígíne 25 jyl" medalíníń ıegerí, Oral pedagogıka ınıstıtuty men Shákárím atyndaǵy Semeı memlekettík unıversıtetíníń qūrmettí professory, Batys Qazaqstan oblysynyń qūrmettí azamaty.
