Ǵylym jáne joǵary bílím mınıstrlígí baǵdarlama sharttaryn būzǵan «Bolashaq» stıpendıattary úshín aıyppūl kólemín arttyru turaly ūsynysty qarastyrady, – dep habarlaıdy aqshamnews.kz tílshísí.
Būl turaly vedomstvo basshysy Sayasat Nūrbek deputattyq saualǵa bergen jauabynda málímdedí.
18 nauryzda májílís deputaty Magerram Magerramov ereje būzǵan stıpendıattardy memleket olarǵa jūmsaǵan qarjydan kóbírek aqsha qaıtaruǵa míndetteudí ūsyndy.
Mınıstr būǵan deıín aıyppūl kólemí ís júzínde jūmsalǵan shyǵyn somasynyń 25%-yn qūraǵanyn eske saldy. Alaıda 2010 jyly ol 10%-ǵa deıín tómendetílgen. Būl shart stıpendıat pen Halyqaralyq baǵdarlamalar ortalyǵy arasynda jasalatyn úlgílík kelísímsharttarda bekítílgen.
2013 jyldan berí byudjet kírísíne 14,5 mlrd teńge qaıtaryldy, onyń íshínde 2026 jyldyń Í toqsanynda (qańtar-nauryz) – 378 515 499 teńge.
«Qoldanystaǵy qūqyqtyq retteu byudjet qarajatynyń qaıtarymdylyǵyn qamtamasyz etudíń jetkílíktí árí jūmys ístep tūrǵan qūraldaryn qarastyrady. Sonymen bírge, mınıstrlík aıyppūl kólemín arttyru turaly ūsynys qarjylyq jauapkershílík tetíkterín odan ary jetíldíru tūrǵysynan maqsatty dep sanaıtynyn atap ótedí», – delíngen jauapta.
Ideyany júzege asyru múddelí memlekettík organdar men ūıymdardy tarta otyryp, jan-jaqty jáne keshendí taldaudy talap etedí.