Sottalǵan Quandyq Bıshímbaevtyń būrynǵy áıelí Nazym Qaharman tuǵan kúnínde eks-kúıeuínen tosynsyı alǵanyn aıtty, - dep habarlaıdy aqshamnews.kz tílshísí.
Būl turaly ol áleumettík jelídegí paraqshasynda bólístí.
Nazym Qaharman tańnan berí tuystary men jaqyndarynan gúl men qūttyqtaular tolassyz kelíp jatqanyn aıtty. Būdan bólek oǵan ekí hat kelgen. Bírí – balalarmen qarym-qatynas tártíbín anyqtau turaly talap, ekínshísí – balalardy shetelge shyǵaruǵa qatysty senímhatty qaıtaryp alu turaly eskertu.
"Ol tuǵan kúníme syılyǵyn uaqytynda jetkízu úshín baryn salǵan sıyaqty. Tań atpastan odan ekí hat aldym. Keshe qol qoıypty, Stepnogorskíden búgín jedel túrde "ūshyp" kelgen eken", - dedí Nazym Qaharman.
Onyń aıtuynsha, Bıshímbaev ortaq balalaryna qatysty másele boıynsha sotqa aryz túsírgen. Nazym Qaharman būrynǵy kúıeuí balalaryna shetelge rūqsatsyz shyǵuǵa múmkíndík beretín senímhatyn qaıtaryp alǵanyn aıtty.
"Ǵajaıyp nárse bolmaıdy eken, ókíníshke qaraı. Mūndaı adamdar eshqashan ózgermeıdí, kerísínshe būrynǵydan beter nashar bola túsedí", - dep jazdy Bıshímbaevtyń būrynǵy áıelí.
Eske salaıyq, Quandyq Bıshímbaev 2024 jyly azamattyq nekedegí áıelí Saltanat Núkenovany erekshe qatygezdíkpen óltírgení úshín 24 jylǵa bas bostandyǵynan aıyryldy.