Almaty qalasynyń qarjy naryǵynda 2025 jyldyń qorytyndysy boıynsha bírqatar ózgeríster baıqaldy. Inflyatsıya deńgeıíníń ósuí, valyuta aıyrbastau naryǵynyń keńeyuí, sondaı-aq depozıtter men nesıeleu kólemíníń artuy megapolıs ekonomıkasyndaǵy negízgí úrdísterdí aıqyndap otyr, - dep habarlaıdy Aqshamnews.kz.
1. Inflyatsıya
Almaty qalasy Statıstıka departamentíníń resmı málímetí boıynsha, 2026 jyldyń 1 qańtarynda ınflyatsıya 11,7% (2025 jyldyń 1 qańtarynda 9,2%) boldy.
Azyq-túlík tauarlary 13,0%-ǵa, azyq-túlíkke jatpaıtyn tauarlar 8,7%-ǵa, aqyly qyzmetter 12,4%-ǵa qymbattady.
2. Valyutalyq naryq
2026 jylǵy 1 qańtardaǵy jaǵdaı boıynsha qalanyń qolma-qol shetel valyutasyn aıyrbastau naryǵynda 449 aıyrbastau punktí jūmys ísteıdí, onyń íshínde: 230 bankterdíń aıyrbastau punktterí, Qazaqstan Respublıkasy Ūlttyq Bankíníń qolma-qol shetel valyutasymen aıyrbastau operatsıyalaryn júrgízuge lıtsenzıyasy bar uákílettí ūıym - 211 jáne «Qazposhta» AQ - 8.
2025 jylmen salystyrǵanda aıyrbastau punktteríníń sany 6,2%-ǵa 423-ten 449-ǵa, bank aıyrbastau punktterí 5,0%-ǵa 219-dan 230-ǵa, uákílettí ūıymdardyń aıyrbastau punktterí 7,7%-ǵa 196-dan 211-ge óstí, al «Qazpochta» AQ aıyrbastau punktteríníń sany būrynǵy deńgeıde qaldy.
2025 jyly teńgeníń AQSh dollaryna shaqqandaǵy ortasha alynǵan aıyrbas baǵamy 497,99–539,92 teńge, euro – 526,82–634,24 teńge, reseı rublí – 5,16–6,72 teńge, qytaı yuaníne 68,68–75,90 teńge aralyǵynda boldy.
2025 jylǵy aıyrbastau operatsıyalarynyń kólemí 2024 jylmen salystyrǵanda kelesí valyutany satyp alu men satudy kórsettí:
AQSh dollary – 72,9% jáne 84,8%, sáıkesínshe 1 839,0 mln dollar jáne 3 071,4 mln dollardy qūrady;
euro – 78,0% jáne 66,3%, sáıkesínshe 128,2 mln evro jáne 229,2 mln evro qūrady;
Reseı rublí – 117,4% jáne 92,4%, sáıkesínshe 24 892,4 mln. rubl jáne 16 114,2 mln. rubldí qūrady;
Qytaı yuaní – 92,9% jáne 95,6%, sáıkesínshe 177,7 mln yuan jáne 183,7 mln yuandy qūrady.
3. Depozıt naryǵy
2026 jylǵy 1 qańtardaǵy jaǵdaı boıynsha Qazaqstan Respublıkasynyń bank sektory 23 ekínshí deńgeılí banktermen ūsynylǵan, onyń 21-í Almaty qalasynda.
Rezıdentterdíń ekínshí deńgeılí bankterdegí depozıtteríníń kólemí 2025 jyldyń sońynda 2024 jylmen salystyrǵanda 16,8%-ǵa ósíp, 13 847,7 mlrd teńgege jettí. Zańdy tūlǵalardyń depozıtterí 29,6%-ǵa ósíp, 4 350,9 mlrd teńgení qūrasa, jeke tūlǵalardyń salymdary 11,7%-ǵa ósíp, 9 496,9 mlrd teńgení qūrady.
Ūlttyq valyutadaǵy depozıtter kólemí 17,9%-ǵa, shetel valyutasyndaǵy depozıtter kólemí 13,6%-ǵa óstí.
Jeke tūlǵalardyń depozıtteríníń jalpy depozıtterdegí úlesí 68,6% qūraıdy. Ūlttyq valyutadaǵy depozıtterdíń úlesí 2024 jylǵy 73,3%-ben salystyrǵanda 74,0%-dy qūraıdy.
4. Kredıt naryǵy
Almaty ekonomıkasyn banktík nesıeleu 2025 jyldyń sońynda 16 503,9 mlrd teńgení qūrady, ol 2024 jylmen salystyrǵanda 17,5%-ǵa óstí.
Ūlttyq valyutadaǵy nesıeler kólemí 14,4%-ǵa ósíp, 13 352,2 mlrd teńgege deıín ūlǵaıdy.
Sheteldík valyutadaǵy nesıeler kólemí 35,5%-ǵa ósíp, 3151,8 mlrd teńgege jettí.
Ūzaq merzímdí nesıeler kólemí 19,5%-ǵa ósíp, 12 944,4 mlrd teńgení qūrasa, qysqa merzímdí nesıeler 10,8%-ǵa ósíp, 3 559,6 mlrd teńgege deıín óstí.
Shaǵyn kásípkerlík subektílerín nesıelendíru 9,6%-ǵa tómendep, 3 187,3 mlrd teńgení qūrady (ekonomıkaǵa berílgen nesıelerdíń jalpy kólemínen 19,3%).
Kezeń íshínde nesıeleudíń salalyq qūrylymynda sauda men ónerkásíptegí basym baǵyttar saqtaldy: qysqa merzímdí nesıeler boıynsha tıísínshe 28,3% jáne 15,1% jáne ūzaq merzímdí nesıeler boıynsha 3,8% jáne 5,3%.