Qazaqstanda avtokomponentter óndírísín lokalızatsıyalau ortalyǵy qūrylady, - dep habarlaıdy Aqshamnews.kz.
QR ónerkásíp jáne qūrylys mınıstrí Ersaıyn Naǵaspaev Úkímet otyrysynda respublıkadaǵy avtomobıl ónerkásíbíníń damuy turaly bayandady.
Ol avtomobıl óndírísí ótken jyly rekordtyq ósím kórsetíp, mashına jasau sektorynyń 41,7%-yn qūraǵanyn atap óttí. 171 myńnan astam kólík shyǵaryldy, onyń 159 myńy – jeńíl avtomobılder. Ekí jańa joǵary tehnologıyalyq óndírís íske qosyldy, olar – Chery, Haval, Changan brendterí bar Almatydaǵy multıbrend zauyty jáne Qostanaıdaǵy Kia Qazaqstan zauyty.
- Osyndaı zauyttardyń íske qosyluy avtokomponentter óndírísín lokalızatsıyalauǵa serpín beríp otyr. Mysaly, ótken jyly Almaty ındustrıyalyq aımaǵynda avtokomponentter tehnoparkí íske qosyldy. Onda avtokólíkterge arnalǵan multımedıa júıelerí men oryndyqtar óndíríledí, — dedí Ersaıyn Naǵaspaev.
Saran qalasynda «Tengri Tyres» zauytynda avtomobıl shınalary shyǵaryluda. Qostanaıdaǵy «KamLitKZ» zauytynda shoıyn qūyatyn zamanauı tehnologıyalar men avtomattandyrylǵan júıelerdí paıdalanatyn shoıyn qūyu óndírísí íske qosyldy. Sonymen qatar «Allur» kompanıyasy avtokomponentter óndírísín lokalızatsıyalau ortalyǵynyń qūrylysyna kírístí. Odan bólek aldaǵy úsh jylda – jylytu jáne kondıtsıonerleu júıelerí, tejegísh, salon men edenge arnalǵan plastıkalyq bólshekter sıyaqty avtokomponentterdí lokalızatsıyalau boıynsha jańa jobalardy íske qosu josparlanuda.