Endí medıtsınalyq-áleumettík saraptama (MÁS) bólímíne baru uaqytyn onlaın-brondau múmkíndígí Almaty qalasynyń tūrǵyndaryna qoljetímdí bolady, – dep habarlaıdy aqshamnews.kz tílshísí.
QR Eńbek jáne halyqty áleumettík qorǵau mınıstrlígí (Eńbekmıní) «Múgedektíktí jáne/nemese eńbek etu qabíletínen aıyrylu dárejesín belgíleu jáne/nemese qajettí áleumettík qorǵau sharalaryn aıqyndau» memlekettík qyzmet kórsetu kezínde elektrondyq kezektí engízu jóníndegí pılottyq jobany auqymdau jūmystary turaly habarlaıdy.
Eńbekmıní, Densaulyq saqtau mınıstrlígí, Jasandy ıntellekt jáne tsıfrlyq damu mınıstrlígí bírlesken būıryǵynyń tıístí jobasy «Ashyq NQA» portalynda ornalastyrylǵan.
Būǵan deıín pılottyq joba Aqmola oblysynda sáttí bastalǵan bolatyn. Onyń oń nátıjelerí men azamattarǵa yńǵaılylyǵyn eskere otyryp, tájírıbení eldíń eń írí megapolısteríníń bíríne keńeıtu turaly sheshím qabyldandy.
Elektrondyq kezektí engízu MÁS bólímderíndegí kezekterdí joyuǵa, kútu uaqytyn qysqartuǵa jáne qyzmet kórsetu protsesíníń ashyqtyǵyn qamtamasyz etuge baǵyttalǵan. Azamattar yńǵaıly kún men uaqytty tańdap, saparlaryn aldyn ala josparlaı alady.
Jazylu áleumettík qyzmetter portaly arqyly júzege asyrylady (aleumet.egov.kz). Protsedura múmkíndígínshe jeńíldetílgen:
Avtorızatsıya: paıdalanushy aleumet.egov.kz portalǵa kíredí jáne ETsQ kómegímen (mobıldí qosymshada SMS arqyly) avtorlandyrudan ótedí.
Qyzmettí tańdau: Jeke kabınette kuálandyruǵa jazylu qyzmetín tańdaıdy.
Brondau: aumaqtyq ornalasuy boıynsha MÁS bólímíne avtomatty túrde jíberíledí, bos kún men uaqytty tańdaıdy.
Rastau: sáttí brondaudan keıín kórsetíletín qyzmettí alushynyń telefon nómíríne (mobıldí azamattar bazasynda tírkelgen) SMS-habarlama kelíp túsedí. Onda bólímníń meken-jaıy, jazylǵan kúní, uaqyty, jáne talon nómírí kórsetíledí.
Eskertu: jazudan úsh kún būryn júıe («MODB» ATsS) qaıta SMS-habarlama (eske salu úshín) jíberedí.
Sondaı-aq, qajet bolǵan jaǵdaıda Jeke kabınet arqyly brondaudy joyu múmkíndígí qarastyrylǵan.
Belgílengen uaqytta kelmegen jaǵdaıda bron avtomatty túrde joıylady, būl turaly habarlama da keledí.
Pılotty auqymdau turaly būıryqtyń jobasy «Ashyq NQA» portalynda jarıya talqylau úshín 2026 jylǵy 19 nauryzǵa deıín qoljetímdí.
