Astanada Máńgilik El dańǵyly men Kekilbaev kóshesiniń qıylysynda mektep avtobýsy eki avtokólikpen soqtyǵysty, dep habarlaıdy Aqshamnews.kz tilshisi.
Aldyn ala málimet boıynsha, Daewoo markaly avtobýstyń júrgizýshisi taıǵaq jolda kenetten paıda bolǵan kedergige tap bolyp, kólikti basqara almaı qalǵan. Sonyń saldarynan avtobýs Chevrolet Cobalt kóligine soǵylǵan. Soqqydan keıin Chevrolet Cobalt ınersıamen qozǵalysyn jalǵastyryp, Audi kóligimen soqtyǵysqan.
Polısıanyń habarlaýynsha, jol apatynan zardap shekkender joq. Avtobýs júrgizýshisi ákimshilik jaýapkershilikke tartyldy.