QR Premer-Mınıstrí Asqar Mamınníń tóraǵalyǵymen ótken Úkímettíń selektorlyq otyrysynda qūrylys materıaldaryna baǵa belgíleu máselesí qaraldy.
Industrıya jáne ınfraqūrylymdyq damu mınıstrlígíníń (QazQSǴZI) derekterí boıynsha, jyl basynan berí betonǵa (12%), tsementke (5%), polıetılendí qūbyrlarǵa (10%), sılıkatty kírpíshke (6%) baǵanyń ósuí baıqaldy.
Básekelestíktí qorǵau jáne damytu agenttígíníń tóraǵasy Serík Jūmanǵarın, ındustrıya jáne ınfraqūrylymdyq damu mınıstrí Beıbít Atamqūlov bayandama jasady, dep habarlady Almaty-akshamy.kz. QR Premer-mınıstrdíń saıtyna sílteme jasap. Ūlttyq statıstıka byurosynyń derekterí boıynsha, 2021 jylǵy qańtar-mamyr aılarynda bastapqy tūrǵyn úı baǵasynyń ósuí 8%, ekínshí qaıtalama tūrǵyn úı baǵasynyń ósuí 13% qūrady. Otandyq qūrylys materıaldary baǵasynyń ósímí bıylǵy qańtar-sáuírde 16% qūrady. Industrıya jáne ınfraqūrylymdyq damu mınıstrlígíníń (QazQSǴZI) derekterí boıynsha, jyl basynan berí betonǵa (12%), tsementke (5%), polıetılendí qūbyrlarǵa (10%), sılıkatty kírpíshke (6%) baǵanyń ósuí baıqaldy. Íshkí naryqtyń qamtamasyz etíluí 50%-dan kem armatura, shyny sıyaqty ımportqa táueldí materıaldar baǵasynyń asa kóp ósuí baıqalady. Qūrylys materıaldary naryǵyna qatysushylardyń ózderí habarlaǵandaı, 2021 jylǵy qańtardan bastap baǵa ósuíníń negízgí sebepterí elektr energıyasynyń, janar-jaǵarmaı men magıstraldyq temírjol jelísí qyzmetíníń qymbattauy bolǵan. Qūrylys materıaldary baǵasynyń alypsatarlyq ósuímen kúresu maqsatynda Básekelestíktí qorǵau jáne damytu agenttígí kírpísh, tsement, armatura, qıyrshyq tas, polıetılen qūbyrlaryn óndírushíler men jetkízushílerge būzushylyq belgílerín joyu jáne baǵany tómendetu qajettílígí turaly 26 habarlama jíberdí. Naryq qatysushylaryna baǵalyq áser etu úshín 10 qūrylys materıaldaryn óndírushímen monopolıyaǵa qarsy zańnama normalaryn saqtau turaly komplaenstar jasaldy. Tūrǵyn úı qūnynyń ósuíne qūrylys materıaldary baǵasynyń ósuí ǵana emes, sondaı-aq sūranystyń artuy da áser ettí. Ūlttyq statıstıka byurosynyń derekterí boıynsha jyl basynan berí jasalǵan kelísímder sany ótken jylǵymen salystyrǵanda 2,5 esege artqan. Osyǵan baılanysty Memleket basshysynyń tūrǵyn úı naryǵynda dúrlígu men baǵanyń ósuíne jol bermeu jóníndegí tapsyrmasyn oryndau ayasynda 14 qūrylys kompanıyasyna baǵany tómendetu turaly habarlama jíberíldí. «Qūrylystyń joǵary qarqyny qūrylystaǵy barlyq shyǵyndardyń úlesí shamamen 50%-dy qūraıtyn qūrylys materıaldaryna qajettílíktí ūlǵaıtady. Osyǵan oraı baǵanyń negízsíz ósuíne jol bermeu jáne naryqta qatań baqylaudy qamtamasyz etu boıynsha shūǵyl sharalar qabyldau óte mańyzdy», — dedí Asqar Mamın. Úkímet basshysy Básekelestíktí qorǵau jáne damytu agenttígíne Industrıya jáne ınfraqūrylymdyq damu mınıstrlígímen jáne ákímdíktermen bírlesíp, josyqsyz óndírushíler men ónímdí jetkízushílerge qatysty qatań sharalar qabyldaudy tapsyrdy. Premer-Mınıstr Industrıya jáne ınfraqūrylymdyq damu mınıstrlígíne «Atameken» ŪKP-men bírlesíp, qūrylys salushylar men qūrylys materıaldaryn óndírushíler arasynda ūzaq merzímdí satyp alu kelísímsharttaryn jasau múmkíndígín pysyqtaudy tapsyrdy. Industrıya jáne ınfraqūrylymdyq damu mınıstrlígíne ákímdíktermen jáne «Atameken» ŪKP-men bírlesíp, qūrylys salasynda ımport almastyru boıynsha josparlanǵan jobalardy uaqytynda íske qosudy qamtamasyz etu tapsyryldy.