Almaty qalasynyń Jetísu audanynda kóshí-qon zańnamasy salasynda tártíp ornatuǵa jáne qoǵamdyq qauípsízdíktí qamtamasyz etuge baǵyttalǵan jedel-profılaktıkalyq ís-shara qorytyndylandy, – dep habarlaıdy Aqshamnews.kz Polisia.kz-ke sílteme jasap.
Úsh kún boıy Almaty qalasy polıtsıya departamentí qyzmetkerlerí kóshí-qon qyzmetímen bírlesíp, shetel azamattarynyń tūratyn mekenjaılary men eńbek qyzmetín júzege asyratyn oryndary boıynsha nysanaly tekseruler júrgízdí. Ís-shara barysynda Qazaqstan Respublıkasynyń aumaǵynda bolu qaǵıdalaryn būzudyń kóptegen deregí, sondaı-aq qabyldaushy tūlǵalar men jūmys berushíler tarapynan zań talaptaryn saqtamau jaǵdaılary anyqtaldy. 134 adam ákímshílík jauapkershílíkke tartyldy. 35 shetel azamaty el aumaǵynan shyǵaryldy, taǵy 15 adam qabyldau-taratu ornyna ornalastyryldy.
– Kóshí-qon salasynda tártíp ornatu – būl eń aldymen qauípsízdík pen zań ústemdígín qamtamasyz etu máselesí. Bíz shetel azamattary tarapynan da, olardyń el aumaǵynda zańdy boluyn qamtamasyz etuge míndettí tūlǵalar tarapynan da zań būzushylyqtardy júıelí túrde anyqtaımyz. Árbír derekke qūqyqtyq baǵa berílíp, sharalar qoldanystaǵy zańnama ayasynda qabyldanady, – dedí Almaty qalasy PD kóshí-qon qyzmetí basqarmasynyń bastyǵy Erkín Amantaev.
Reıdtík jáne profılaktıkalyq ís-sharalar megapolıstíń ózge de audandaryn qamtıtyn bolady.
