Sıngapur men Kuala-Lumpur qalalarynda Almatynyń turıstík áleuetín tanytatyn syrtqy jarnama ornalastyryldy. Joba Almaty qalasy Turızm basqarmasy men AirAsia áue kompanıyasy arasyndaǵy yntymaqtastyq ayasynda júzege asyp, qalany halyqaralyq turıster úshín qyzyqty sayahat núktesí retínde nasıhattauǵa baǵyttalǵan.
Jarnamalyq konstruktsıyalar adamdar men kólík kóp júretín oryndarǵa ornalastyryldy. Kórnekí materıaldarda asqaq taulardyń kórkem kórínísí, tabıǵı kóríktí jerler men Almatynyń aıshyqty beınesí beınelengen. Sondaı-aq, «Almaty» jazuymen bírge qalaǵa sapar sheguge, onyń bíregeı ruhy men erekshe atmosferasyn sezínuge shaqyratyn úndeu berílgen.
Būl jarnamalyq nauqan Almatyny halyqaralyq naryqta tanytu jolyndaǵy júıelí jūmystardyń jalǵasy boldy. AirAsia X enshíles kompanıyasy Almaty men Kuala-Lumpur arasynda tíkeleı áue reısterín júzege asyryp, Ońtústík-Shyǵys Azıya elderínen keletín turıster úshín qalanyń qoljetímdílígín arttyryp otyr.
Nauqan aımaqtan keletín turıster sanyn arttyryp, Almatynyń zamanauı árí qoljetímdí turıstík baǵyt retíndegí oń ımıdjín nyǵaıtpaq.
