«Ádílettí jáne progressıvtí Qazaqstannyń halyqtyq Konstıtutsıyasy úshín!» jalpyūlttyq koalıtsıyasy shtabynyń múshelerí «Alatau» dástúrlí óner teatry ūjymymen kezdestí.
Onda spıkerler konstıtutsıyalyq reformanyń baǵyt-baǵdary jáne aldaǵy 15 nauryzda ótetín Referendumnyń mán-mańyzyna toqtaldy.
«Jańa Konstıtutsıya – būl jaı ǵana zańdar jıyntyǵy emes, ol – memleketímízdíń berík írgetasy, qoǵam ómíríníń negízgí baǵytyn aıqyndaıtyn basty qūjat bolmaq. Sondyqtan ondaǵy ár bap, ár tarmaq el taǵdyrymen tyǵyz baılanysty órílgen. Jańa Konstıtutsıyada, ásírese adamı kapıtalǵa asa mán berílgen. Yaǵnı, būl – síz ben bízdíń jarqyn ómírímízge kepíl bolady degen sóz», – dedí shtab múshesí, QR eńbek síńírgen qaıratkerí Qaragóz Súleımenova.
Spıkerler sondaı-aq Referendum – ár azamattyń el damuyna óz kózqarasyn bíldíru qūqyǵy ekenín aıta kele, óner ūjymyn belsendí azamattyq ūstanym tanytuǵa shaqyrdy.
«Ár dauys – el bolashaǵyna qosylǵan úles. Búgín qabyldanǵan sheshím erteńgí jarqyn ómírímízdíń baǵdarshamy desek qatelespeımíz. Sondyqtan Referendumnan qalys qalmaıyq. Elímízdíń damuy men tūraqtylyǵy – bárímízge ortaq qūndylyq», – dedí shtab múshesí, «Jeltoqsan aqıqaty» respublıkalyq qoǵamdyq bírlestígíníń tóraǵasy Bolat Qūrymbaev.
Al óz kezegínde «Alatau» teatry ūjymy atynan sóz sóılegen óner ókílderí konstıtutsıyalyq reformany qoldaıtyndaryn bíldírdí.