Almatynyń Almaly audanyndaǵy 90 jastaǵy qūrdastar referendumda dauys berdí, – dep habarlaıdy aqshamnews.kz tílshísí.
Bıyl Almatynyń Almaly audany 90 jyldyq mereıtoıyn atap ótíp jatyr. Respublıkalyq referendum kúní ómír joly audan tarıhymen tyǵyz baılanysty, audannyń qūrdastary sanalatyn tūrǵyndar da uchaskelerge kelíp dauys berdí.
Máselen, referendumda 90 jastaǵy audan tūrǵyndary — Anna Trusova men Nadejda Makarova tańdau jasady. Olar turaly būǵan deıín Almaly audanynyń qūrdastaryna arnalǵan arnaıy joba ayasynda beınerolıkter daıyndalǵan bolatyn.
Anna Trusova A.Jūbanov atyndaǵy mektep-ınternatta ornalasqan №56 referendum uchaskesínde dauys berse, Nadejda Makarova №67 jalpy bílím beretín mekteptegí №52 uchaskede ūstanymyn bíldírdí.
Zeınetkerlerdíń belsendí ómírlík ūstanymyna qūrmet retínde Almaly audandyq Qoǵamdyq keńesíníń ókílí Tatyana Begaıkına olardy qūttyqtap, audannyń 90 jyldyǵyna oraı daıyndalǵan estelík brendtík syılyqtar tabystady.
Qoǵamdyq keńes ókílderí aǵa buyn tūrǵyndarynyń qoǵamdyq mańyzy bar ís-sharalarǵa qatysuy jastar úshín úlgí bolyp, ūrpaq sabaqtastyǵyn aıqyn kórsetetínín atap óttí.