Almatynyń Almaly audanynda kún saıyn 1000 qyzmetker jūmys ístep, 861 aula men 186 shaqyrym jol tazalanady, – dep habarlaıdy aqshamnews.kz tílshísí.
Almaly audanynda 2026 jyldyń bírínshí toqsanyndaǵy áleumettík-ekonomıkalyq damudyń qorytyndysy shyǵardy. Audan ákímí Arman Shámshın Óńírlík kommunıkatsıyalar qyzmetínde ótken baspasóz konferentsıyasynda osy turaly bayandady. Tazalyqty saqtau, qolaıly qalalyq ortany damytu, kógaldandyru men tūrǵyndar qatysatyn jobalardy júzege asyru audandaǵy negízgí baǵyttyń bírí bolyp qalǵan.
«Bíz qala kúnde ūqypty bolyp kórínuí úshín júıelí jūmysty qolǵa aldyq. Osy íske júzdegen adam men qanshama kúsh jūmyldyryldy. Būl qala tūrǵyndarynyń ómír sapasyna áser etetín úlken eńbek», — dedí Shámshın.
Audanda kún saıynǵy tazalyq jūmysyn shamamen 1000 jūmysshy men 230-dan astam arnauly tehnıka qamtamasyz etedí. Olar 190 shaqyrymǵa juyq joldy, 850-den astam aulany, ondaǵan alańqaıdy, alleyalar men jasyl aımaqtardy kútíp ūstaıdy. Tūrǵyndardyń ótíníshíne jedel áreket etu úshín táulík boıy úsh jedel top jūmys ísteıdí. Jalpy audanda ūzyndyǵy 186,6 shaqyrym bolatyn 110 kóshe, 861 aula, 22 alańqaı, bír sayabaq, bes bulvar men 20 jasyl aımaq bar. Segíz merdíger ūıym ísteıdí būl jūmysty.
Jyl basynan berí «Taza Qazaqstan» ekologıyalyq bastamasy ayasynda úsh írí aktsıya ótkízílíp, nátıjesínde 400 tekshe metrden astam qaldyq shyǵaryldy. Tazalyq jūmysyna tūrǵyndar, bıznes ókílderí, deputattar, eríktíler men kommunaldyq qyzmetter de belsene qatysty. Sonymen qatar bílím beretín mekemeler men densaulyq saqtau mekemelerí de atsalysyp, apta saıynǵy senbílíkter qala tūrǵyndary tarapynan keń qoldau tapty.
«Bíz tūrǵyndardyń ózderí bírígíp, aulasyn tazalauǵa shyǵatynyn, kásípkerlerdíń írgeles aumaqtarǵa baqylauǵa alatynyn kóríp otyrmyz. Būl endí ákímdíktíń bastamasy boludan qalyp, halyqtyq qozǵalysqa aınaldy. Adamdar óz audanyn shyn súıíp, ony jaqsartuǵa ūmtylady. Osyndaı belsendílík — bízdíń basty resursymyz», — dep atap óttí audan ákímí.
Qolaıly qalalyq ortany qalyptastyruǵa erekshe kóńíl bólíngen. Ótken jyly kásípkerlermen 1200-den astam abattandyru pasportyna qol qoıylyp, būl tájírıbe jalǵasyn tabady. Bıznes ókílderí kógaldandyru men írgeles aumaqtardy kútíp ūstauǵa, onyń íshínde gúlzarlar men būtalar otyrǵyzuǵa belsene qatysyp jatyr.
2026 jyly bírqatar jobalardy íske asyru josparlanǵan. Olardyń qatarynda Músírepov atyndaǵy TYuZ aldyndaǵy alańqaıdy kúrdelí jóndeu, Gagarın dańǵyly boıyndaǵy bulvardy abattandyru men jayau júrgínshí ınfraqūrylymyn damytu, sonyń íshínde Qarasaı batyr kóshesíndegí alleyany jańartu bar. Jūmys memlekettík satyp alu rásímderí ayaqtalǵannan keıín mamyr–mausym aıynda bastalady.
Kógaldandyru ayasynda qazírdíń ózínde segíz negízgí kóshe boıyna 69 myńnan astam būta egílíp, audannyń ár jeríne 30 aǵash egíldí. Kúzde qosymsha 140 írí aǵash otyrǵyzu josparlanyp otyr. Jyldyq jospar 34,2 myń aǵash bolsa, búgíngí kúnge deıín 6700-den astam shírígen aǵash kesílgen.
«Almaly audany qaladaǵy eń jasyl-jelegí kóp audannyń bírí sanalady. Bízdíń míndet — osy mártebení saqtap qana qoımaı, ony odan árí arttyru. Kógaldandyru — bír rettík shara emes, júıelí jūmys», — deıdí ákím.
Sonymen qatar «Halyq qatysatyn byudjet» baǵdarlamasy júzege asyrylyp jatyr. Onyń ayasynda tūrǵyndar ózderí abattandyru jobalaryn ūsynyp, tańdaıdy. 2026 jyly 19 joba íske asyrylady: onyń 11-í aula jóndeuge, al segízí qoǵamdyq keńístíkterdí abattandyruǵa baǵyttalǵan.
Būdan bólek, 34 aulany jańartu josparlanǵan. Mūndaı jūmystar shaǵyn sáulettík nysandardy auystyrudan bastap, sport alańdaryn jańartuǵa deıíngí tūrǵyndardyń naqty sūranysyna jedel jauap beruge múmkíndík beredí. Nysandar tízímín tūrǵyndardyń ótíníshín eskeríp, kóshpelí tekseru kezínde qalyptastyrady.