Almaty qalasynyń Almaly audanynda 60 tūrǵyn úıdíń qasbetí jańarady, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde ótken brıfıngte Almaly audanynyń ákímí Arman Shamshın BAQ ókílderíníń sūraǵyna jauap beríp, abattandyru, joldy jóndeu men qalalyq ortany damytuǵa qatysty josparlaryn aıtty.
Kópqabatty tūrǵyn úılerdíń qasbetín jańartu – audandaǵy bıylǵy eń negízgí jūmystyń bírí bolyp qalǵan.
«Bıyl shamamen 60 kópqabatty tūrǵyn úıdíń qasbetín retke keltíru josparlanyp otyr. Nazarbaev dańǵyly, Abaı dańǵyly men Abylaı han dańǵyly sıyaqty úlken kóshelerge kóp kóńíl bólmekpíz. Tarıhı ortalyqtyń kóríktí árí ūqypty bolyp tūrǵany jaqsy ǵoı», – deıdí audan ákímí.
Sondaı-aq brıfıng barysynda qys mezgílínen keıíngí jol jabynynyń jaı-kúıí de sóz boldy. Audan basshysynyń aıtuynsha, joltaqta (bruschatka) tóseudí mausymdaǵy jaǵdaıǵa baılanysty uaqytsha toqtatypty.
«Bruschatka – būl jerdí qazyp bítkennen keıín, mysaly, káríz nemese jylu jelísín jóndegen soń qoldanylatyn májbúrlí árí uaqytsha shara. Qysta asfalt zauyttary jūmys ístemeıdí, sondyqtan jóndelgen jerdí uaqytsha bruschatkamen jaba tūramyz. Būl kólík qozǵalysyn toqtatpaı, shūńqyrlardy ashyq qaldyrmau úshín qajet. Bíz būl protsestí qatań baqylauda ūstaımyz. Kún jylynǵan soń kommunaldyq qyzmetter qaıta oralyp, bruschatkanyń ornyna tolyqqandy asfalt tósep shyǵady», – dep túsíndírdí ákím.
Asfalt zauyttary íske qosylǵannan keıín audanda shūńqyrlardy jóndeu jūmysy bastalyp kettí.
«Jūmysty bírden bastadyq. Qazír Tastaq yqshamaudanyn, sondaı-aq Tóle bı kóshesí men Áuezov kóshesín jóndep jatyr», – dedí Arman Shamshın.
Jayau júrgínshíler ınfraqūrylymyn damytuǵa da erekshe nazar audaryldy. «Halyq qatysatyn byudjet» ayasynda qalanyń tarıhı ortalyǵynda bíryńǵaı seruendeu baǵytyn qalyptastyru úshín kóp jūmys ístelíp jatyr.
«Ótken jyly bíz Abylaı han dańǵylynan Nauryzbaı batyr kóshesíne deıíngí aumaqty abattandyrudy bastadyq. Bıyl būl jūmys Nauryzbaı batyrdan Masanshy kóshesíne deıín jalǵasady. Osylaısha qala ortalyǵyndaǵy negízgí kóshelerdí baılanystyratyn bíryńǵaı jayau júrgínshíler baǵyty qalyptasady», – dedí ákím.
Onyń aıtuynsha, jobalar júzege asqannan keıín qala tūrǵyndary men qonaqtar Baıseıítova kóshesí, Panfılov kóshesí men Qarasaı batyr kóshesí arqyly ótetín yńǵaıly árí ūzyn seruendeu baǵytymen qatynaı bastaıdy.