Almatynyń Almaly audany ınjenerlík jelíní jańǵyrta bastady, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde audan ákímí Arman Shámshın audandaǵy ınjenerlík ınfraqūrylymdy jańǵyrtu jospary turaly bayandady.
Onyń aıtuynsha, audanda aulalardy abattandyrumen qatar, kózge kóríne bermeıtín, bíraq ómír sapasyna tíkeleı áser etetín tozǵan ınjenerlík jelílerdí jańartudy kózdeıtín úlken jūmys ta qolǵa alynypty.
Qazír kommunıkatsıyalardyń tozu deńgeıí joǵary bolyp otyr: jylu jelílerí 62,1%-ǵa, sumen jabdyqtau jelílerí 72,5%-ǵa, su būru júıelerí 79,2%-ǵa, elektrmen jabdyqtau jelílerí 81%-ǵa tozǵan.
Eń az tozǵany - gaz jelísí eken. Olar 10,7% tozypty.
2026 jyly barlyq baǵyt boıynsha keshendí jūmystar josparlanǵan. Atap aıtqanda, «Almaty jylu júıesí» JShS 19 mekenjaı boıynsha 8,8 shaqyrym jylu jelísín jańǵyrtudy qolǵa almaq. Sumen jabdyqtau men su būru salasynda «Almaty Su» MKK bes jerde 2,4 shaqyrym bolatyn jelíní jańartu jobasyn júzege asyrady, onyń íshínde 1,4 shaqyrym sumen jabdyqtau men 1 shaqyrym su būru jelísí de bar.
Elektrmen jabdyqtau salasynda da kóp jūmys ísteledí: «AlatauJaryqKompanıyasy» AQ 22 uchaskede 93,3 shaqyrym bolatyn elektr jelísín qaıta jańǵyrtudy josparlap qoıdy. Sonymen qatar gaz ınfraqūrylymy da bíge jańarady. «QazaqGaz Aımaq» AQ toǵyz mekenjaıdaǵy 17,1 shaqyrym jelíní jańartqaly otyr.
Arman Shámshın atap ótkendeı, būl jobalardy íske asyru ınjenerlík jelílerdíń tozu deńgeıín edáuír tómendetíp, audannyń ınfraqūrylymynyń senímdílígín arttyruǵa múmkíndík beredí.